web counter
LEXO PA REKLAMA!

SHKARKO APP

App Store
Google Play

E fundit!

x

Rrezik për përmbytje të fuqishme/ Evakuohen mijëra vetë në Australi

3 Korrik 2022, 15:12, Kosova & Bota CNA
Rrezik për përmbytje të fuqishme/ Evakuohen mijëra vetë
Sidnej

Autoritetet e Sidnejt, qytetit më të madh të Australisë, urdhëruan evakuimin e mijëra banorëve të dielën nga pjesa jugperëndimore e qytetit, për shkak të rrezikut të përmbytjeve të fuqishme që pritet të jenë edhe më të mëdha se ato që goditën rajonin vitin e kaluar.

Shirat e dendur, kombinuar me lumenjtë e liqenet e digave të tejmbushur, paraqesin kërcënim për përmbytje të shpejta e rrëshqitje të dheut përgjatë bregut lindor, nga Njukasëlli deri në gjirin Batemans, në shtetin e Nju Sauth Uejlsit. Sasia e shirave pritej të intensifikohej të dielën në mbrëmje.

“Kjo është një situatë që po zhvillohet me shpejtësi dhe ka prekur zona të cilat nuk kanë përjetuar kurrë përmbytje më parë", tha në një konferencë për shtyp ministrja e Shërbimeve të Urgjencës në Nju Sauth Uejls, Stef Kuk. Ajo shtoi se situata paraqitet tejet kërcënuese.

Në shumë zona ka rënë më shumë se 200 milimetra shi dhe në disa të tjera sasia ka arritur në 350 mm sipas Byrosë së Meteorologjisë, që paralajmëroi mbi rrezikun e përmbytjeve përgjatë lumenjve Nepin dhe Hauksbëri.

Shirat e dendur bënë që diga kryesore e Sidneit të derdhej të dielën herët në mëngjes.

Vetëm sot janë regjistruar rreth 2,000 thirrje për ndihmë dhe në 24 orët e fundit janë shpëtuar nga përmbytjet 29 persona, mes tyre një grua, e cila kishte qëndruar e kapur pas një shtylle për rreth një orë./ VOA





Lajmet e fundit nga