web counter
LEXO PA REKLAMA!

SHKARKO APP

App Store
Google Play

E fundit!

x

Meloni i jep fund martesës 10-vjeçare/ Mesazhi për “armiqtë” politikë

20 Tetor 2023, 09:22, Kosova & Bota CNA

Meloni i jep fund martesës 10-vjeçare/ Mesazhi për

Kryeministrja italiane, Giorgia Meloni, ka bërë me dije se i ka dhënë fund martesës së saj 10-vjeçare me Andrea Giambrunon.

Përmes një mesazhi në rrjetet sociale, Meloni shkruan se rrugët e tyre kanë marrë drejtime të ndryshme prej kohësh dhe kishte ardhur koha që lidhja të përfundonte, ndërsa nuk kurseu dhe falënderimet për ish-bashkëshortin.

Por kryeministrja e Italisë ka dhënë dhe një mesazh për kundërshtarët politikë duke thënë se ata që donin ta dobësonin duke e goditur te familja nuk do ta arrijnë këtë gjë.

“Marrëdhënia ime me Andrea Giambrunon, e cila zgjati gati dhjetë vjet, përfundon këtu. E falënderoj për vitet e mrekullueshme që kaluam së bashku, për vështirësitë që kaluam dhe që më dha gjënë më të rëndësishme në jetën time, që është vajza jonë Ginevra. Rrugët tona kanë kohë që kanë marrë drejtime të ndryshme dhe tashmë ka ardhur koha ta pranojmë atë.

Unë do ta mbroj atë që ishim, do ta mbroj miqësinë tonë dhe do të mbroj me çdo kusht, një vajzë shtatëvjeçare që e do nënën e saj dhe e do babanë e saj, ashtu siç nuk munda të dua unë timin. Nuk kam asgjë tjetër për të thënë për këtë.

PS. Të gjithë ata që shpresonin të më dobësonin duke më goditur te familja, duhet ta dinë se sado që pika shpreson të nxjerrë gurin, guri mbetet gur dhe pika është vetëm një pikë ujë”, shkruan kryeministrja italiane Meloni./ CNA

 

Meloni i jep fund martesës 10-vjeçare/ Mesazhi për





Lajmet e fundit nga