web counter
LEXO PA REKLAMA!

SHKARKO APP

App Store
Google Play

Mbi 2500 viktima dhe 12 mijë të plagosur/ OKB: Viti 2025, më vdekjeprurësi për civilët në Ukrainë

13 Janar 2026, 18:02, Kosova & Bota CNA

Mbi 2500 viktima dhe 12 mijë të plagosur/ OKB: Viti 2025, më

Viti 2025 ishte më vdekjeprurësi për civilët në Ukrainë që nga viti 2022, theskoi sot Misioni i Monitorimit të të Drejtave të Njeriut i OKB-së në Ukrainë në përditësimin e tij mujor mbi dëmin ndaj civilëve.

Misioni verifikoi se dhuna e lidhur me konfliktin në Ukrainë në vitin 2025 vrau 2,514 civilë dhe plagosi 12,142.

Numri i përgjithshëm i civilëve të vrarë dhe të plagosur në vitin 2025 ishte 31 përqind më i lartë se në vitin 2024 (2,088 të vrarë; 9,138 të plagosur) dhe 70 përqind më i lartë se në vitin 2023 (1,974 të vrarë; 6,651 të plagosur).

“Rritja prej 31 përqind e viktimave civile krahasuar me vitin 2024 përfaqëson një përkeqësim të dukshëm në mbrojtjen e civilëve. Monitorimi ynë tregon se kjo rritje u shkaktua jo vetëm nga armiqësitë e intensifikuara përgjatë vijës së frontit, por edhe nga përdorimi i zgjeruar i armëve me rreze të gjatë veprimi, të cilat i ekspozuan civilët në të gjithë vendin ndaj rrezikut të shtuar”,-tha Danielle Bell, drejtuese e Misionit.

Shumica dërrmuese e viktimave të verifikuara në vitin 2025 u regjistruan në territorin e kontrolluar nga qeveria nga sulmet e nisura nga forcat e armatosura ruse./CNA

 





Lajmet e fundit nga