web counter
LEXO PA REKLAMA!

SHKARKO APP

App Store
Google Play

E fundit!

x

Komisioneri i BE-së: NATO merr fund nëse Trump pushton Groenlandën

13 Janar 2026, 07:46, Kosova & Bota CNA

Komisioneri i BE-së: NATO merr fund nëse Trump pushton

Një pushtim ushtarak i Groenlandës nga SHBA-të do të nënkuptonte fundin e NATO-s, tha Komisioneri i Mbrojtjes Andrius Kubilius, duke përsëritur pikëpamjen e udhëheqëses daneze Mette Frederiksen.

“Pajtohem me kryeministren daneze se ky do të jetë fundi i NATO-s, por edhe midis njerëzve do të jetë shumë, shumë negativ”, tha Kubilius në një konferencë sigurie në Suedi.

Ishulli është një pjesë kryesisht autonome e Danimarkës. Presidenti Donald Trump ng ana tjetër ka thënë se SHBA-të kanë nevojë për Groenlandën për sigurinë e tyre dhe se ajo duhet të jetë në pronësi të Uashingtonit për të parandaluar që Rusia dhe Kina ta marrin atë.

Ai shtoi se një prani ushtarake amerikane atje, nuk është e mjaftueshme për të mbajtur jashtë Moskën dhe Pekinin. Fjalët e Kubilius shënojnë herën e parë që një zyrtar i lartë i BE-së ka mbështetur publikisht qëndrimin e Frederiksen, megjithëse diplomatët e BE-së privatisht pajtohen me të.

Trump u pyet në një intervistë dy-orëshe me New York Times më 7 janar  nëse blerja e Groenlandës kishte më shumë rëndësi për të sesa ruajtja e aleancës ushtarake. Udhëheqësi amerikan nuk iu përgjigj pyetjes drejtpërdrejt, por pranoi se administrata e tij mund të duhet të zgjedhë midis të dyjave. /CNA 





Lajmet e fundit nga