web counter
LEXO PA REKLAMA!

SHKARKO APP

App Store
Google Play

Lufta Rusi-Ukrainë/ Vriten 11 persona në bazën ushtarake ruse

16 Tetor 2022, 08:46, Kosova & Bota CNA
Lufta Rusi-Ukrainë/ Vriten 11 persona në bazën ushtarake ruse
Foto ilustruese

Persona të armatosur kanë vrarë 11 persona në një sulm në një terren stërvitor ushtarak rus të shtunën.

Gjatë një seance stërvitore me armë zjarri, dy burra hapën zjarr ndaj një grupi që kishte dalë vullnetar për të luftuar në Ukrainë, raportoi agjencia shtetërore e lajmeve "Ria".

Sulmuesit ishin nga një ish-republikë sovjetike, tha ministria ruse e mbrojtjes, por nuk dha detaje të mëtejshme.

Ata gjithashtu u qëlluan për vdekje gjatë incidentit në rajonin Belgorod të Rusisë, i cili kufizohet me Ukrainën.

15 persona të tjerë u plagosën.

"Gjatë një sesioni stërvitor për armë zjarri me individë që shprehën vullnetarisht dëshirën për të marrë pjesë në operacionin special ushtarak kundër Ukrainës, terroristët hapën zjarr me armë mbi personelin e njësisë," citon "Ria" një deklaratë të ministrisë së mbrojtjes.

"Si rezultat i të shtënave, 11 persona humbën jetën. 15 persona të u plagosën dhe u dërguan në një institucion mjekësor," tha ai.

Muajin e kaluar presidenti rus Vladimir Putin urdhëroi mobilizimin e 300,000 rusëve që kishin kryer më parë shërbimin e detyrueshëm ushtarak.

Urdhri shkaktoi protesta në të gjithë Rusinë dhe një rritje të njerëzve që përpiqeshin të largoheshin nga vendi.

Menjëherë pas shpalljes së mobilizimit, një rekrutues ushtarak u qëllua në një zyrë regjistrimi në Siberi.

Javën e kaluar, Putini njoftoi se mbi 200,000 njerëz tashmë ishin mobilizuar dhe ai nuk pa nevojë për mobilizim shtesë./ CNA.al

Marrë nga BBC





Lajmet e fundit nga