web counter
LEXO PA REKLAMA!

SHKARKO APP

App Store
Google Play

Të shtëna armësh dhe zjarr në burgun famëkeq të Evinit

16 Tetor 2022, 08:35, Kosova & Bota CNA
Të shtëna armësh dhe zjarr në burgun famëkeq të
Foto ilustruese

Një zjarr i madh shpërtheu të shtunën në burgun famëkeq Evin të Iranit, i njohur për strehimin e të burgosurve politikë, gazetarëve dhe shtetasve të huaj.

Videot e shpërndara në internet treguan flakë dhe tym në vend, në Teheran dhe u dëgjuan të shtëna armësh dhe shpërthime.

Një zyrtar i cituar nga media shtetërore tha se situata ishte nën kontroll, por pamjet në video tregonin se zjarri vazhdonte.

Irani është përfshirë prej javësh nga protestat antiqeveritare.

Ato shpërthyen për herë të parë muajin e kaluar pas vdekjes së 22-vjeçares kurde iraniane Mahsa Amini në paraburgim nga policia. Zyrtarët thanë se ajo vdiq nga një atak në zemër, por familja e saj e kundërshtoi këtë, duke thënë se ajo ishte rrahur nga policia.

Rana Rahimpour e "BBC Persian" tha se ende nuk dihet nëse situata në burg është e lidhur me demonstratat e fundit.

Por kjo mund të ndodhë lehtësisht, tha Rana, pasi qindra protestues janë dërguar në Evin./ CNA.al

Marrë nga "BBC":





Lajmet e fundit nga