web counter
LEXO PA REKLAMA!

SHKARKO APP

App Store
Google Play

E fundit!

x

Lufta në Ukrainë/ Bisedime të reja SHBA-Rusi në Miami pritet të zhvillohen në fundjavë

18 Dhjetor 2025, 08:51, Kosova & Bota CNA

Lufta në Ukrainë/ Bisedime të reja SHBA-Rusi në Miami pritet

Bisedime të reja midis të dërguarve rusë dhe amerikanë mbi luftën në Ukrainë janë planifikuar të zhvillohen këtë fundjavë në Miami, ka njoftuar një zyrtar i Shtëpisë së Bardhë. Presidenca amerikane nuk dha detaje për përbërjen e delegacioneve.

Megjithatë, sipas një raporti të publikuar në mediat ndërkombëtare, Uashingtoni do të përfaqësohet nga i dërguari special presidencial i SHBA-së, Steve Witkoff dhe Jared Kushner, dhëndër dhe këshilltar i Presidentit Donald Trump, dhe Moska nga i dërguari ekonomik i Kremlinit, Kirill Dmitriev.

Bisedimet e reja po organizohen pasi presidenti ukrainas, Volodymyr Zelensky, foli për përparim në përpjekjet për të arritur një kompromis midis Kievit dhe Uashingtonit mbi përmbajtjen e një plani të propozuar Moskës për t'i dhënë fund luftës, pas takimeve të dielën dhe të hënën të zyrtarëve amerikanë, ukrainas dhe europianë në Berlin.

Megjithatë, Zelensky paralajmëroi në të njëjtën kohë se Rusia po përgatitet për një vit të ri lufte në vitin 2026. Presidenti rus, Vladimir Putin, nga ana tjetër, përsëriti dje se objektivat e sulmit ndaj Ukrainës do të arrihen pa dyshim.

Detajet e planit amerikan pas amendamenteve të paraqitura në Berlin nuk dihen. Kievi ka kundërshtuar sepse teksti parashikon lëshime territoriale nga ana e tij. Teksti origjinal u cilësua nga qeveria ukrainase dhe aleatët europianë të Kievit si shumë i favorshëm për Kremlinin. /CNA





Lajmet e fundit nga