E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Lajçak zbardh takimet në Bruksel të Kurtit dhe Vuçiçit, çfarë pritet të ndodhë

30 Tetor 2023, 10:23, Kosova & Bota CNA

Lajçak zbardh takimet në Bruksel të Kurtit dhe

Miroslav Lajçak

Kryenegociatorët e Kosovës dhe Serbisë, Besnik Bislimi dhe Petar Petkoviç, pritet të takohen së shpejti në Bruksel. Ky lajm është dhënë nga i dërguari i Bashkimit Evropian për dialogun Kosovë – Serbi, Miroslav Lajçak.

Lajçak përmes një njoftimi në rrjetet sociale, thekson se Albin Kurti dhe Aleksandër Vuçiç, gjatë takimeve me liderët perëndimorë në Bruksel, u pajtuan për zbatimin e marrëveshjes, por kishin mospajtime për modalitetin, duke thënë se për këto çështje do të ketë sqarime gjatë javëve në vijim.

“Ato që ishin planifikuar të ishin takime të shkurtra me liderët evropianë, u kthyen në negociata të gjata të ndara me presidentin Vuçiç dhe kryeministrin Kurti pasi liderët evropianë duhej të largoheshin për në Këshill. E mirëpres që të dy liderët treguan gatishmëri për zbatimin e Marrëveshjes, megjithëse nuk arritën të bien dakord për modalitetet. Ata kishin komente dhe pyetje për propozimin evropian për statutin për themelimin e Asociacionit të Komunave me Shumicë Serbe në Kosovë, të cilin ua kemi paraqitur gjatë misionit tonë të përbashkët të shtunën e kaluar. Shpresoj se do të jemi në gjendje të sqarojmë pyetjet dhe shqetësimet e hapura në javët në vijim", u shpreh Lajçak.

Ai shtoi më tej se fokusi i BE-së tani do të jetë në avancimin e zbatimit të marrëveshjes pa parakushte apo vonesa. Lajçak shtoi se Serbia si shtet ka shumë detyrime të pazgjidhura në lidhje me Kosovën.

"Statuti ynë propozon një mënyrë moderne evropiane për të trajtuar çështjen e ndjeshme të mbrojtjes së pakicave në përputhje me praktikat dhe standardet më të mira evropiane dhe nuk i kalon vijat e kuqe të palëve siç janë përcaktuar më parë. Por ky nuk është i vetmi element që ka nevojë për zbatim. Edhe Serbia ka shumë detyrime të pazgjidhura nga Marrëveshja dhe ne duhet të shohim që zbatimi të përparojë paralelisht, në mënyrë që edhe Kosova edhe Serbia të marrin atë që kanë rënë dakord. Fokusi tani duhet të jetë në avancimin e zbatimit të Marrëveshjes pa parakushte apo vonesa. Siç u shprehën qartë tre liderët evropianë, formalitetet nuk duhet të pengojnë këtë proces të rëndësishëm. Me këtë në mendje, unë do të ftoj kryenegociatorët së shpejti në Bruksel për të diskutuar hapat e ardhshëm”, shkruan Lajçak./CNA