web counter
LEXO PA REKLAMA!

SHKARKO APP

App Store
Google Play

E fundit!

x

Përfundon “terri” informativ në Gaza/ Rikthehen shërbimet e telekomunikacionit dhe internetit

29 Tetor 2023, 09:50, Kosova & Bota CNA

Përfundon “terri” informativ në Gaza/ Rikthehen

Linjat telefonike dhe lidhjet e internetit po kthehen ngadalë në Gaza pas më shumë se një ditë ndërprerjeje pothuajse totale të komunikimit.

Ky lajm është konfirmuar nga Kompania e Telekomunikacionit Palestine (Paltel), e cila ka thënë se shërbimet e linjës fikse, celulare dhe të internetit po rikthehen gradualisht në Rripin e Gazës.

Edhe gazetarët që ndodhen në Gaza kanë mundur të njoftojnë se tashmë kanë internet nëpërmjet rrjeteve sociale.

Lidhja u ndërpre pasi Izraeli intensifikoi bombardimet dhe filloi një operacion të madh tokësor me tanke dhe trupa ushtarake.

Kryeministri izraelit Benjamin Netanyahu thotë se kjo shënon "fazën e dytë" të një lufte "të gjatë dhe të vështirë" me Hamasin.

Ai ka konfirmuar se komandantët izraelitë janë të dislokuar "në të gjithë Rripin e Gazës".

Nga ana tjetër, Kryqi i Kuq Ndërkombëtar (KNKK) ka bërë thirrje për ndalimin e menjëhershëm të luftës, duke e përshkruar si "nivel të patolerueshëm të vuajtjes njerëzore".

Izraeli ka bombarduar Gazën që nga 7 tetori, pas sulmeve të Hamasit ku u vranë 1400 njerëz dhe u rrëmbyen 229 persona që mbahen si pengje.

Ministria e shëndetësisë e drejtuar nga Hamasi në Gaza thotë se më shumë se 8,000 njerëz janë vrarë që nga fillimi i bombardimeve hakmarrëse të Izraelit./ CNA





Lajmet e fundit nga