web counter
LEXO PA REKLAMA!

SHKARKO APP

App Store
Google Play

E fundit!

x

Izraeli po rivlerëson marrëdhëniet diplomatike me Turqinë

28 Tetor 2023, 20:45, Kosova & Bota CNA

Izraeli po rivlerëson marrëdhëniet diplomatike me Turqinë

Presidenti i Turqisë, Recep Tayyip Erdogan, tha para një tubimi pro-palestinez në Stamboll se shteti i tij po përgatitet ta shpallë Izraelin “kriminel lufte” për shkak të veprimeve të tij në Gazë.

“Izrael, ne do t’iu shpallim kriminel lufte para botës. Ne po bëjmë përgatitjet dhe ne do ta shpallin Izraelin para botës si kriminel lufte”, tha Erdogan.

Më herët gjatë javës, Erdogan tha se grupi militant i Hamasit nuk është organizatë terroriste, por një grup çlirimtar që lufton për tokat dhe popullin e tij.

Pas deklaratave të Erdoganit, Izraeli tha se po tërheq stafin diplomatik nga Turqia.

“Duke pasur parasysh deklaratat që vijnë nga Turqia, kam urdhëruar kthimin e përfaqësuesve diplomatikë në mënyrë që të bëjmë një rivlerësim të raporteve midis Izraelit dhe Turqisë”, tha ministri i Jashtëm i Izraelit, Eli Cohen, përmes një postimi në X, që më herët njihej si Twitter.

Izraeli më parë i largoi diplomatët e tij nga Turqia për arsye sigurie. Por ministri i Jashtëm izraelit Eli Cohen tha në X, platforma e njohur më parë si Twitter, se ata po urdhëroheshin të tërhiqeshin tani për një rivlerësim të lidhjeve midis Turqisë dhe Izraelit.

Kryeprokurori i Gjykatës Ndërkombëtare Penale ka thënë se një hetim i hapur në vitin 2021 mbi krimet e dyshuara në territoret palestineze mund të analizojë pretendimet për krime lufte nga lufta aktuale Izrael-Hamas./ CNA





Lajmet e fundit nga