web counter
LEXO PA REKLAMA!

SHKARKO APP

I zhdukur për dy javë në det/ Gjendet peshkatari, hëngri salmon për të mbijetuar

28 Tetor 2023, 09:20, Kosova & Bota CNA
I zhdukur për dy javë në det/ Gjendet peshkatari, hëngri
Roja Bregdetare ndau një imazh të vendit ku u gjet peshkatari

Një peshkatar i cili rezultonte i zhdukur për gati dy javë është gjetur i gjallë duke lundruar në një gomone rreth 70 milje (110 km) nga bregu perëndimor i SHBA-së.

Peshkatari është gjetur të enjten, njoftoi Roja Bregdetare e SHBA-së në Paqësorin Veriperëndimor, në një deklaratë një ditë pasi kishin pezulluar kërkimin e tyre, raporton BBC.

Shpëtuesit kanadezë thonë se ai kapi dhe hëngri salmon për të mbijetuar, gati dy javë.  Burri, i cili nuk u identifikua, ishte larguar nga Grey Harbor në shtetin Uashingtonit më 12 tetor në mbrëmje.

"Unë pashë atë që dukej si një gomone shpëtimi në distancë dhe vrapova brenda dhe vendosa dylbi dhe më pas e identifikova", tha Ryan Planes, një nga personat që shpëtoi peshkatarin. 

Ai tregoi më tej se burri i tha se kishte qenë vetëm në gomone të vogël për 13 ditë.

"I bëmë mëngjesin. Piu tre shishe ujë. Ai ishte shumë i uritur", tha ai më tej./CNA





Lajmet e fundit nga