web counter
LEXO PA REKLAMA!

SHKARKO APP

App Store
Google Play

Kosova pranoi propozimin e BE-së/ Rama: Jam i kënaqur, Serbia të heqë dorë nga muhabetet e vjetra

27 Tetor 2023, 13:02, Kosova & Bota CNA
Kosova pranoi propozimin e BE-së/ Rama: Jam i kënaqur, Serbia të
Kryeministri Edi Rama

Kryeministri Edi Rama ka përgëzuar Kosovën pas takimit të djeshëm në Bruksel, ku kryeministri Albin Kurti pranoi propozimin e BE-së për zgjidhjen e tensioneve.

Rama deklaron në rrjetet sociale se nuk mund ta fshehë kënaqësinë për veprimin e duhur të udhëheqjes së Kosovës, pasi e cilëson si një hap shumë të rëndësishëm.

Ai kërkon që Serbia të pranojë propozimin e BE-së dhe të ndalohen debatet e vjetra dhe të rrezikshme.

“Urtësia e popullit shqiptar dhe jo vetëm e tij në fakt, mëson se 'më mirë vonë sesa kurrë'. Nuk mund ta fsheh kënaqësinë time që udhëheqja e Kosovës më në fund bëri gjënë e duhur në takimin e djeshëm të Brukselit! Duke pranuar me mençuri propozimin e BE-së më 21 tetor Kosova sot ndodhet në një pozitë shumë më të mirë.

Ky është një hap shumë i rëndësishëm përpara. Është koha kritike që Serbia të bëjë të njëjtën gjë. Çdo gjë e pranuar dhe dakordësuar deri tani duhet të zbatohet pa vonesë. U bëj thirrje partnerëve tanë perëndimorë që të mbajnë këtë momentum dhe të shtyjnë palët drejt zgjidhjes përfundimtare. Mjaft më duke parë gishtin teksa gishti tregon hënën.

Mjaft më me të njëjtat muhabete të vjetra dhe të rrezikshme. Mjaft më me shmangien e paqes dhe ushqimin e fantazmave të së kaluarës për hir të vogëlsisë së politikës së brendshme. Shikoni jo shumë larg nga këtu se çfarë u ndodh atyre që i shmangen paqes dhe angazhohen në lojëra 'o të gjitha o asgjë'. Ne kemi nevojë për paqe, stabilitet dhe bashkëpunim në këtë lagje të Evropës”, theksoi kreu i qeverisë./ CNA





Lajmet e fundit nga