web counter
LEXO PA REKLAMA!

SHKARKO APP

App Store
Google Play

E fundit!

x

Përshkallëzohet konflikti në Lindjen e Mesme/ Ushtria amerikane godet dy objekte në Sirinë lindore

27 Tetor 2023, 07:33, Kosova & Bota CNA

Përshkallëzohet konflikti në Lindjen e Mesme/ Ushtria amerikane

Marrëdhëniet e SHBA-së me Iranin kanë qenë të tensionuara gjatë javëve të fundit për shkak të qëndrimeve të kundërta për luftën Izrael – Hamas.

Gjatë mbrëmjes së kaluar, SHBA ka goditur dy objekte në Sirinë lindore, duke pretenduar se ato janë përdorur nga forcat iraniane dhe grupet e lidhura me to.

Goditjet e dy godinave i konfirmoi Sekretari i Mbrojtjes, Lloyd Austin, i cili tha se janë bërë në kushtet e vetëmbrojtjes.

Sipas tij, SHBA po tenton të mbrojë personelin amerikan në Irak dhe Siri dhe veprimet e tyre ishin përgjigje të sulmeve të fundit me dronë në bazat amerikane në Irak dhe Siri nga grupet e milicisë të mbështetur nga Irani.

"Këto sulme të mbështetura nga Irani kundër forcave amerikane janë të papranueshme dhe duhet të ndalen. Irani dëshiron të fshehë dorën e tij dhe të mohojë rolin e tij në këto sulme kundër forcave tona. Ne nuk do t'i lejojmë," tha ai, duke paralajmëruar se SHBA do të marrë masa të mëtejshme nëse sulmet kundër forcave amerikane vazhdojnë.

Austin tha se kjo situatë e krijuar në Sirinë Veriore është e ndarë nga konflikti i vazhdueshëm midis Izraelit dhe Hamasit.

Zyrtarët amerikanë pretendojnë se Shtetet e Bashkuara nuk u koordinuan me Izraelin dhe as nuk i informuan ata paraprakisht për sulmet ajrore.

Kujtojmë se Shtetet e Bashkuara kanë rreth 900 trupa të stacionuara në Siri dhe 2500 në Irakun fqinj. 

Trupat amerikane janë sulmuar të paktën 12 herë në Irak dhe katër herë në Siri, që nga fillimi i konfliktit midis Izraelit dhe Hamasit. Këto sulme, Pentagoni ia atribuon grupeve iraniane që veprojnë në rajon dhe deklaron se gjithsej janë plagosur 21 ushtarakë amerikanë./ CNA





Lajmet e fundit nga