E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

Hill: Herët të thuhet se dialogu mes Kosovës dhe Serbisë është i pasuksesshëm

27 Tetor 2023, 17:26, Kosova & Bota CNA

Hill: Herët të thuhet se dialogu mes Kosovës dhe Serbisë

Christopher Hill, ambasador i Shteteve të Bashkuara të Amerikës (SHBA) në Beograd ka folur lidhur me dialogun Kosovë-Serbi.

Në një intervistë për REL Hill komentoi dhe bisedimet e djeshme të Kosovës dhe Serbisë të zhvilluara në Bruksel.

Ai tha se nuk ka pritur ndonjë sukses të plotë.

“Nuk kam pritur ndonjë sukses të plotë. Por, sigurisht, kam pritur ca përpjekje për t’u kthyer në elementet thelbësore të dialogut. Në këtë kuptim, ka qenë një takim i rëndësishëm, të dyja palët kanë qenë në takim. Kështu që, do të shohim. Tani për tani, megjithatë, është e qartë se nuk i ka zgjidhur të gjitha problemet që mbeten në dialog.”, u shpreh Christopher Hill.

Deri më tani nuk ka pasur ndonjë rezulatat përfunditmtar nga bisedimet por pavarësisht kësaj Hill thotë se ka marrë shumë vëmendje të madhe në Bashkimin Evropian.

“Nuk dua ta hamendësoj procesin që Bashkimi Evropian ka krijuar. Mendoj se ka marrë shumë vëmendje të madhe në Bashkimin Evropian. Ka qenë e rëndësishme të shihet pjesëmarrja e presidentit të Francës, e kancelarit të Gjermanisë... Pra, mendoj se evropianët kanë kontribuar me një nivel të rëndësishëm përpjekjesh.” , tha Hill.

Por, sa afër është Kosova dhe Serbia kur bëhet fjalë për arritjen e një marrëveshje?

“Është shumë e vështirë ta matësh se sa afër je kur nuk je atje. Ajo që di është se ky proces dialogu është ndërprerë nga një situatë shumë, shumë e vështirë dhe, në fakt, diçka që ka qenë mjaft e dëmshme për procesin e përgjithshëm. Këto janë ngjarjet që kanë ndodhur në Banjskë. Unë mendoj se çështja është që të përqendrohemi në atë që ka ndodhur saktësisht, kush është përgjegjës, pse e kanë bërë dhe, në fund, të krijohen rrethana ku kjo nuk mund të ndodhë më. Unë mendoj se kjo përfshin shumë struktura të ndryshme. Çfarë mund të bëjë KFOR-i, kontingjenti i NATO-s, në këtë drejtim? Cilat aspekte të tjera duhet të trajtohen?”, u shpreh Hill gjatë intervistës./ CNA