web counter
LEXO PA REKLAMA!

SHKARKO APP

App Store
Google Play

E fundit!

x

Kurti akuza SHBA-së dhe BE-së/ "Mua më ndëshkuan, Vuçiçin e falën"

23 Korrik 2023, 22:58, Kosova & Bota CNA

Kurti akuza SHBA-së dhe BE-së/ "Mua më ndëshkuan,

Kryeministri i Kosovës Albin Kurti, ka nënkuptuar se për tensionet mes Kosovës dhe Serbisë,  SHBA dhe BE kanë reaguar me dy standarte.

Gjatë intervistës për një gazetë kroate ai e ka quajtur të padrejtë vendimin e BE-së për të “sanksionuar” Kosovën dhe sjelljen “tolerante” ndaj Serbisë.

“Brukseli dhe Uashingtoni kanë vënë bast për kalin e gabuar në Serbi, në presidentin e atjeshëm. Në fund doli që nuk ishte fare kalë, por dhelpër. Askush as nuk e ka imagjinuar që një vit e pesë muaj pas agresionit rus në Ukrainë, Serbia nuk do të vendosë sanksione ndaj Moskës, por madje do të lejonte që Sputniku të mbante bazën rajonale në Beograd. Në vend të reflektimit dhe introspeksionit të tyre, ata më godasin mua. Brukseli dhe Uashingtoni e lejuan Vuçiçin që të mos e nënshkruante marrëveshjen nga Brukseli dhe Ohri, pastaj që ta shkelte atë marrëveshje dhe ja ku jemi në një situatë në të cilën ekziston asimetri drastike në qasje. Masa ndëshkuese ndaj meje, dhe nga ana tjetër falje për presidentin Vuçiç. Kjo është një padrejtësi”, ka thënë ndër të tjera Kurti./CNA.al





Lajmet e fundit nga