web counter
LEXO PA REKLAMA!

SHKARKO APP

App Store
Google Play

E fundit!

x

Gjirokastër/ Po transportonin njerëz në mënyrë të jashtëligjshme, një person në pranga e tjetri në kërkim

23 Korrik 2023, 15:14, Kosova & Bota CNA

Gjirokastër/ Po transportonin njerëz në mënyrë të

Një person është vënë në prangat e policisë ndërsa një tjetër është në kërkim pasi akuzohen për dhënie ndihmë shtetasve të huaj, kundrejt fitimeve, për kalim të paligjshëm të kufirit.

Kjo u bë e mundur falë dy operacioneve policore të koduara “Road Guard 69” dhe “Road Guard 70”, të zhvilluara nga policia e Gjirokastrës.

“Gjatë njërit nga operacionet u vu në pranga një shtetas që transportonte me një automjet që e drejtonte pa leje drejtimi, 8 shtetas nga vendet e treta, ndërsa gjatë operacionit tjetër u shpall në kërkim një 25-vjeçar që transportonte 8 shtetas të tjerë nga vendet e treta dhe braktisi automjetin sapo vuri re që po ndiqej nga shërbimet e Policisë.”, njofton policia.  

Policia ka sekuestruar 2 automjetet me të cilat këta shtetas transportonin kundrejt pagesave, emigrantët që synonin të kalonin ilegalisht kufirin.

Konkretisht gjatë operacionit “Road Guard 69”, në aksin nacional “Ura e Dragotit - Ura e Leklit”, në vendin e quajtur "Kthesa e fshatit Kodër", shtetasi G. M., duke drejtuar automjetin me të cilin po transportonte drejt Tiranës, 8 emigrantë nga vendet e treta, kundrejt shumës 500 euro/person, sapo ka vënë re se po ndiqej nga shërbimet e Policisë, ka braktisur automjetin dhe ka mundur të largohet.

Në vijim të veprimeve u shpall në kërkim drejtuesi i automjetit, shtetasi G. M., 25 vjeç, banues në Krujë. Vijon puna për kapjen e tij.





Lajmet e fundit nga