web counter
LEXO PA REKLAMA!

SHKARKO APP

App Store
Google Play

Kryeministri spanjoll: Përgjigjja e Europës për luftën në Gazë ka qenë një dështim

3 Shtator 2025, 11:09, Kosova & Bota CNA

Kryeministri spanjoll: Përgjigjja e Europës për luftën

"Përgjigjja e Europës ndaj luftës në Gazë ka qenë “një dështim” dhe rrezikon të minojë besueshmërinë e saj në botë", tha kryeministri i Spanjës, Pedro Sanchez.

Para takimit të tij me kryeministrin britanik, Keir Starmer, në Londër, Sanchez, udhëheqësi i parë europian që e ka akuzuar Izraelin se po kryen gjenocid në Gazë, tha për "The Guardian" se lufta paraqet një nga episodet më të errëta të raporteve ndërkombëtare në shekullin XXI.

“Është një dështim. Absolutisht. Po ashtu është e vërtetë që brenda BE-së ka shtete që janë të ndara rreth mënyrës se si duhet të ndikojnë në Izrael”, tha Sanchez.

“Por, sipas mendimit tim, është e papranueshme dhe ne nuk mund ta zgjasim më shumë nëse duam të rrisim besueshmërinë tonë përballë krizave të tjera, si ajo që po përballemi në Ukrainë”.

Deklaratat e tij vijnë një ditë pasi zyrtarët shëndetësorë thanë se 31 persona u vranë nga sulmet në mbarë Rripin e Gazës, në kohën kur Izraeli po përgatitet për një ofensivë të re ushtarake.

Të hënën, sekretari i Jashtëm britanik, David Lammy, tha para Parlamentit britanik se Mbretëria e Bashkuar ende synon që në shtator të njohë shtetin palestinez, duke iu bashkuar Spanjës dhe shteteve të tjera europiane./REL

 





Lajmet e fundit nga