web counter
LEXO PA REKLAMA!

SHKARKO APP

App Store
Google Play

E fundit!

x

Kryeministri hungarez, Viktor Orban takohet me kandidatin për Shtëpinë e Bardhë, Donald Trump

12 Korrik 2024, 16:15, Kosova & Bota CNA
Kryeministri hungarez, Viktor Orban takohet me kandidatin për
Kryeministri hungarez, Viktor Orban, dhe ish-presidenti i SHBA-së, Donald Trump

Kryeministri hungarez, Viktor Orban, është takuar me ish-presidentin e SHBA-së, Donald Trump, në shtëpinë e tij në Mar-a-Lago në Florida – vizitë që Orbani e quajti “mision të paqes”.

Orban, një mbështetës i Trumpit, ka vizituar Ukrainën, Rusinë dhe Kinën në dy javët e fundit në një “mision paqeje”, siç e quajti ai, por që ka zemëruar aleatët e Hungarisë në NATO.

“Ishte një nder të vizitoja presidentin, Donald Trump në Mar-a-Lago sot. Ne diskutuam mënyrat për të bërë paqe. Lajmi i mirë i ditës: Ai do ta zgjidhë atë!”, tha Orban në X.

E ashtuquajtura nisma e paqes e Orbanit ka acaruar shumë anëtarë të Bashkimit Evropian, presidencën e radhës të të cilës Hungaria e mori në fillim të këtij muaji.

Të premten, ministria e jashtme e Gjermanisë ka dekaruar se Orban ka shkaktuar dëme në 12 ditët e para të presidencës.

I konsideruar si udhëheqësi më i afërt evropian me Vladimir Putinin e Rusisë, Orban ishte në Shtetet e Bashkuara këtë javë për të marrë pjesë në një samit të NATO-s të organizuar nga presidenti Joe Biden.

Ministri i Jashtëm hungarez, Peter Szijjarto, i tha agjencisë së lajmeve Reuters se Hungaria beson se një presidencë e dytë e Trumpit do të rriste shpresat për paqe në Ukrainë dhe se Orban shpreson t’i jepte fund luftës përmes bisedimeve të paqes që përfshijnë Rusinë dhe Ukrainën./CNA





Lajmet e fundit nga