LEXO PA REKLAMA!

SHKARKO APP

Konjufca, kritikon Ramën/ “S’duhet ta kishte propozuar draftin pa u ulur me Kurtin”

10 Qershor 2023, 15:23, Kosova & Bota CNA
Konjufca, kritikon Ramën/ “S’duhet ta kishte propozuar draftin
Kryetari i Kuvendit të Kosovës, Glauk Konjufca

Kryetari i Kuvendit të Kosovës, Glauk Konjufca ka komentuar draft-statutin e Shqipërisë në lidhje me Asocicacion në veri të Kosovës.

Ai e ka cilësuar të gabuar veprimin e kryeministrit shqiptar Edi Rama sepse sipas tij, pas manifestimit të 145-vjetorit të Lidhjes së Prizrenit, Rama nuk do të duhej që të bënte veprime të tilla pa u konsultuar me kryeministrin Albin Kurti.

I pyetur nëse kanë kërkuar nga Rama që të shohin draftin e Asociacionit, Konjufca tha jo, pasi nuk kanë interes.

Jo nuk kemi interes, sepse mendoj që kjo është çështje e institucioneve të Kosovës. Kryeministri shqiptar tha se është sekret, por nënkryetari jonë tha se e ka parë. Shumë drafte kanë qarkulluar deri tash por asnjëri nuk ka pasur efekt në Kosovë. Nuk besoj se nuk mund të paragjykoj për përmbajtjen.

Në parim mendoj që është gabim pavarësisht përmbajtjes. Një defekt është në parim sepse kryeministri shqiptar nuk do të duhej të bënte veprime të tilla pa u ulur me kryeministrin e Kosovës edhe pa i sqaruar të gjitha këto probleme së bashku. Ata takohen shpesh mendoj por ky ishte një veprim i anshëm”, deklaroi kryetari i Kuvendit të Kosovës./ CNA.al

Lajmet e fundit nga