web counter
LEXO PA REKLAMA!

SHKARKO APP

App Store
Google Play

Boris Johnson lë mandatin e deputetit pas akuzave për "Partygate"

10 Qershor 2023, 10:52, Kosova & Bota CNA

Boris Johnson lë mandatin e deputetit pas akuzave për

Ish-kryeministri britanik, Boris Johnson ka dhënë dorëheqjen si anëtar i parlamentit, pas një hetimi nga Komiteti i Privilegjeve Parlamentare.

Komiteti i Privilegjeve Parlamentare pretendon se Johnson ftoi mysafirë në kopshtin e Downing Street në maj 2022, kur në fuqi ishin masat anti-covid, duke thyer të gjitha rregullat. 

"Është shumë e trishtueshme që po largohem nga parlamenti, të paktën tani për tani. Një grusht njerëzish po përpiqeshin të më largonin mua, pa asnjë provë për të mbështetur pretendimet e tyre dhe pa miratimin e anëtarëve të partisë", u shpreh ish-kryeministri britanik.

Në deklaratën e tij, ai sulmoi qeverinë e Rishi Sunak, duke fajësuar kryeministrin aktual për rritjen e taksave.

Johnson la të kuptohet se ai mund të kthehet në politikë, duke thënë se ishte "shumë i trishtuar që po largohej nga parlamenti.

Largimi i tij nga jeta politike vjen më pak se katër vjet pasi ai fitoi një shumicë politike prej 80 vendesh dhe nëntë muaj pasi u largua nga posti i kryeministrit.

 





Lajmet e fundit nga