web counter
LEXO PA REKLAMA!

SHKARKO APP

App Store
Google Play

Kërcënohet Kurti/ Publikohet fotoja me mesazhin e rëndë

3 Shtator 2025, 13:37, Kosova & Bota CNA

Kërcënohet Kurti/ Publikohet fotoja me mesazhin e rëndë

Kryeministri i Kosovës, Albin Kurti, është kërcënuar përmes një fotoje me një mesazh ku ai kanoset. Mesazhi u identifikua gjatë mbrëmjes së të martës.

Zëvendësdrejtori i Policisë së Kosovës për rajonin e Veriut, Veton Elshani, ka thënë për Radion Evropa e Lirë se bëhet fjalë për një mbishkrim të shkruar në një mur në rrugën "Vasilije Ostrovski", në qytetin e banuar me shumicë serbe.

Sipas Elshanit, pas konsultimit me prokurorin kujdestar, është iniciuar rasti për kanosje.

Elshani ka thënë se, deri më tani, nuk ka persona të dyshuar dhe as të arrestuar lidhur me këtë incident.

Ai ka shtuar se i njëjti mbishkrim, i shoqëruar me pamje grafike, ishte publikuar më herët në platformën e bisedave "Telegram".

Në grupin "Koridor", në këtë aplikacion, janë shpërndarë fotografi me mbishkrimin:

"Sa Kosova zora svice, Albin Kurti mrtav bi?e" (shqip: "Në Kosovë do të agojë mëngjesi dhe Albin Kurti do të jetë i vdekur").

Një tjetër fotografi paraqet të njëjtin mbishkrim, por edhe një imazh, ku një person i maskuar mban në njërën dorë kokën e Kurtit dhe në tjetrën një sëpatë.

Policia e Kosovës ka bërë të ditur se po vazhdon hetimet lidhur me rastin./REL





Lajmet e fundit nga