web counter
LEXO PA REKLAMA!

SHKARKO APP

App Store
Google Play

JD Vance konfirmon takimin e Trump me pengjet izraelite

12 Tetor 2025, 18:05, Kosova & Bota CNA

JD Vance konfirmon takimin e Trump me pengjet izraelite

Zëvendëspresidenti amerikan JD Vance ka konfirmuar se Donald Trump do të udhëtojë për në Lindjen e Mesme të dielën për t’u takuar me pengjet izraelite që do të lirohen sipas fazës së parë të marrëveshjes së paqes Izrael-Hamas.

JD Vance deklaroi se Lindja e Mesme tani ishte në prag të një paqeje të qëndrueshme.

 

“Jemi shumë të sigurt se pengjet do të lirohen dhe se presidenti po udhëton në Lindjen e Mesme, me shumë mundësi sonte në mbrëmje, për t’i takuar dhe për t’i përshëndetur personalisht”, tha Vance për CBS.

 

Vance e quajti hapin e parë në zbatimin e marrëveshjes së paqes me 20 pika, një ditë e madhe për familjet e pengjeve, por dhe një ditë e madhe për të gjithë botën.

Ai tha se marrëveshja ishte një detyrë shumë e vështirë dhe Trump kishte ndjekur një diplomaci shumë jotradicionale.

 

“Tani jemi në prag të një paqeje të qëndrueshme në Lindjen e Mesme”, shtoi Vance.

Zëvendëspresidenti tha se faza e dytë e marrëveshjes, e cila përfshin pranimin e Hamasit për t'i dorëzuar armët dhe administrimin e Gazës një organi palestinez teknokratësh të pavarur, do të kërkojë ndikim dhe presion të vazhdueshëm nga Presidenti i Shteteve të Bashkuara.

Më tej, JD Vance u shpreh se në mënyrë të pashmangshme do të ketë gjëra që palët nuk do të bien dakord.

“Në mënyrë të pashmangshme, do të ketë konflikte këtu. Do të ketë gjëra për të cilat njerëzit në Gaza nuk do të pajtohen me Izraelin, dhe izraelitët nuk do të pajtohen me shtetet arabe të Gjirit”, tha Vance./CNA, përkthyer nga "The Guardian"





Lajmet e fundit nga