web counter
LEXO PA REKLAMA!

SHKARKO APP

App Store
Google Play

Të shtënat në Komoran/ Kryeprokurori dhe policia japin detaje për incidentin

12 Tetor 2025, 17:46, Kosova & Bota CNA
Të shtënat në Komoran/ Kryeprokurori dhe policia japin detaje
Zejnullah Gashi

Personat e përfshirë në ngjarjen e ndodhur në Komoran të Drenasit, ku pati edhe të shtëna me armë zjarri janë shoqëruar në polici. Kryeprokurori i Prishtinës, Zejnullah Gashi ka deklaruar se ngjarja nuk lidhet me procesin zgjedhor, por për një konflikt që kishte nisur para tre javësh.

“Arsyet e konfliktit nuk dihen në detaje, mirëpo sipas informatave të para që i kemi kjo lidhet me një mosmarrëveshje të hershme, të para tre javësh. Tre personat e dyshuar janë të përfshirë në grabitje dhe vepra tjera ordinere dhe nuk lidhet me procesin zgjedhor”, tha Gashi.

Shoqërimin e personave të përfshirë në incidentin e sotëm e ka konfirmuar edhe zëdhënësja e policisë për rajonin e Prishtinës, Flora Ahmeti. Kjo e fundit ka bërë me dije se nga të shtënat ka pasur vetëm dëmtim të një automjeti dhe nuk ka pasur persona të plagosur.

“Sot rreth orës 14:30 është pranuar informata për një rrahje dhe të shtëna armësh në rrugën “Shpëtim Robaj” në Komoran. Nuk raportohet për persona të lënduar. Me të marrë informatën policia, ka dalë në vendin e ngjarjes, ku ka konstatuar se ka pasë të shtëna me armë dhe  raportohet vetëm për dëmtim prone (dëmtim i veturës). Lidhur me rastin policia ka shoqëruar në stacion policor dy persona të përfshirë në rast. Aktualisht policia ka nisë punën për zbardhjen e rrethanave dhe motiveve që karakterizojnë ngjarjen. Bazuar në të dhënat e deritanishme incidenti nuk lidhet me procesin e zgjedhjeve”, tha Ahmeti./CNA





Lajmet e fundit nga