web counter
LEXO PA REKLAMA!

SHKARKO APP

App Store
Google Play

Ndihmat në Gazë/ Mbërrijnë para samitit në Egjipt

12 Tetor 2025, 16:34, Kosova & Bota CNA

Ndihmat në Gazë/ Mbërrijnë para samitit në Egjipt

Dhjetëra kamionë kanë hyrë të dielën në Gazë nga Egjipt përmes pikës kufitare të Rafah. Kjo i paraprin samitit të Egjiptit që pritet të mbahet të hënën.

“Kamionët, të cilët do të inspektohen nga forcat izraelite para se të shpërndajnë ndihmat, mbajnë furnizime mjekësore, tenda, batanije, ushqim dhe karburant” tha Gjysmëhëna e Kuqe Egjiptiane.

Egjipti tha se po dërgon 400 kamionë që transportojnë ndihma dhe Kombet e Bashkuara kanë deklaruar se kanë afërsisht 170,000 ton ushqim, ilaçe dhe ndihma të tjera humanitare gati për të hyrë.

"Ky është ushqim bazë i mjaftueshëm për të ushqyer të gjithë popullsinë e Gazës prej më shumë se dy milionë banorësh, për gati tre muaj", shkroi në një deklaratë Programi Botëror i Ushqimit i Kombeve të Bashkuara.

Izraeli kishte bllokuar ndihmat deri tani me justifikimin se ato vidheshin nga Hamasi. Si pasojë e kësaj bllokade, Kombet e Bashkuara kishin deklaruar Krizën e Urisë në Gazë dhe faktori ndërkombëtar përsëriste thirrjet që ndihmat të lejoheshin.

Gjatë 2 viteve të fundit, 1.9 milion palestinezë janë zhvendosur nga Gaza. Tashmë dhjetëra mijëra po rikthehen, por llogaritet se 83% e qytetit të Gazës është e shkatërruar. Banka Botërore raporton se duhen rreth 50 milion dollarë për rindërtimin e Gazës.

Takimi i së hënës në Sharm el-Sheikh pritet të vulosë edhe detajet e fundit të marrëveshjes së paqes midis Hamasit dhe Izraelit. Ndër ata që do të marrin pjesë në samit janë presidenti francez Emmanuel Macron, kryeministri i Mbretërisë së Bashkuar Keir Starmer, kancelari gjerman Friedrich Merz, kryeministrja italiane Giorgia Meloni dhe presidenti i SHBA-së Donald Trump./CNA





Lajmet e fundit nga