web counter
LEXO PA REKLAMA!

SHKARKO APP

App Store
Google Play

Lufta e tarifave/ Kina: S’kemi frikë nga SHBA-të

12 Tetor 2025, 15:06, Kosova & Bota CNA

Lufta e tarifave/ Kina: S’kemi frikë nga SHBA-të

Ministri i Tregtisë së Kinës në një deklaratë të publikuar online është shprehur se qëndrimi i Kinës është konstant se nuk do luftë tarifash por gjithashtu nuk frikësohet.

Deklarata kineze erdhi dy ditë pasi presidenti amerikan Donald Trump kërcënoi të rriste me 100% taksën mbi importet nga Kina nga data 1 nëntor, në përgjigje të kufizimeve të reja kineze mbi eksportin e metaleve të rralla, një përbërës kyç për shumë produkte të konsumit dhe ushtarake.

Situata kishte arritur kulmin më herët në prill të këtij vit, kur dy shtetet për pak kohë vendosën tarifën e mallrave 100% ndaj njëri- tjetrit. Trump ka deklaruar se Kina po mban një qëndrim armiqësor, teksa Pekini zyrtar thotë se Trump mund të zgjedhë negociatat në vend të kërcënimeve.

Aktualisht Kina ka gati 70% të minierave të metaleve të rralla në botë dhe kontrollon afërsisht 90% të përpunimit global të metaleve të rralla.

Rregulloret e reja të Kinës kërkojnë që kompanitë e huaja të marrin miratim të posaçëm për të eksportuar artikuj që përmbajnë edhe gjurmë të vogla të elementëve të rrallë të tokës me origjinë nga Kina. Aksesi në këto materiale është një pikë kyçe mosmarrëveshjeje në bisedimet tregtare midis Uashingtonit dhe Pekinit./CNA





Lajmet e fundit nga