web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet/ Çitaku: PDK po prin bindshëm, qytetarët të shfrytëzojnë të drejtën e votës

12 Tetor 2025, 18:00, Kosova & Bota CNA
Zgjedhjet/ Çitaku: PDK po prin bindshëm, qytetarët të
Vlora Çitaku

Sekretarja e Përgjithshme e Partisë Demokratike të Kosovës, Vlora Çitaku ka dalë në një konferencë për mediat ku është shprehur se pjesëmarrja në votime deri më tani është e kënaqshme dhe rezultat janë në favor të PDK-së.

“Në shumë komuna, raportet që po marrim nga terreni janë tej mase pozitive. PDK po prin bindshëm dhe me epërsi të dukshme, falë punës, përkushtimit dhe besimit të qytetarëve tanë”, ka thënë ajo.

Më tej ajo ka bërë thirrje të gjithë qytetarëve që nuk kanë votuar deri tani, të ushtrojnë të drejtën e votës deri në orën 19:00. Çitaku thekson se çdo votë ka peshë për të ardhmen e qytetarëve.

“Ne i ftojmë të gjithë qytetarët që ende nuk kanë votuar, të dalin tani, menjëherë, dhe ta shfrytëzojnë këtë të drejtë. Të votojnë për komunën e tyre, për lagjen e tyre, për fëmijët e tyre. Të votojnë për punë dhe për dinjitet. Besimi që po ndjejmë sot në terren është i jashtëzakonshëm. Jemi të bindur se mbrëmja e sotme do të përmbyllet me shumë lajme të mira për Partinë Demokratike të Kosovës dhe për qytetarët që kanë votuar për punë, përgjegjësi dhe zhvillim. Faleminderit për besimin. Faleminderit për pjesëmarrjen. Dhe deri në minutën e fundit, vazhdoni të votoni, sepse çdo votë ka peshë për të ardhmen që e duam të gjithë. PDK po fiton besimin e Kosovës, edhe një herë me radhë. Faleminderit nga zemra të gjithëve qytetarëve të Kosovës!”, ka theksuar Çitaku./CNA





Lajmet e fundit nga