web counter
LEXO PA REKLAMA!

SHKARKO APP

App Store
Google Play

E fundit!

x

IAEA: Marrëveshje me Iranin për rifillimin e inspektimeve

10 Shtator 2025, 08:31, Kosova & Bota CNA

IAEA: Marrëveshje me Iranin për rifillimin e inspektimeve

Sipas informacioneve të drejtuesit të organit mbikëqyrës të OKB-së për energjinë bërthamore IAEA, Rafael Grossi, kjo agjenci ka arritur me Iranin një marrëveshje për të rifilluar inspektimet.

Marrëveshja e arritur me ministrin e Jashtëm iranian, Abas Aragchi është "një hap i rëndësishëm në drejtimin e duhur", shkroi Grossi në platformën X. Marrëveshja mbi modalitetet praktike u arrit në Kajro.

Mekanizëm praktik për bashkëpunim
Megjithatë ka ende shumë për të bërë për të zbatuar marrëveshjen, tha Grossi në një konferencë për shtyp në kryeqytetin egjiptian. Aragchi tha se marrëveshja e re me IAEA-n merr parasysh shqetësimet e Iranit, duke krijuar gjithashtu një kornizë për bashkëpunim të vazhdueshëm.

"Kjo marrëveshje krijon një mekanizëm praktik për bashkëpunim që pasqyron si situatën e jashtëzakonshme të sigurisë së Iranit ashtu edhe kërkesat teknike të agjencisë", tha ai.

Pas sulmeve të Izraelit dhe të SHBA-së ndaj centraleve të tij bërthamore Irani e kishte pezulluar në muajin korrik bashkëpunimin me Agjencinë Ndërkombëtare të Energjisë Atomike. Izraeli dhe Shtetet e Bashkuara i justifikuan sulmet e tyre me argumentin se Irani ishte shumë afër zhvillimit të bombës së vet bërthamore. Kurse udhëheqja iraniane thekson vazhdimisht se programi i saj bërthamor shërben vetëm për qëllime civile./DW





Lajmet e fundit nga