web counter
LEXO PA REKLAMA!

SHKARKO APP

App Store
Google Play

E fundit!

x

Sulmet ajrore në Doha/ Liderët botërore: Cenim i integritetit dhe sovranitetit të Katarit

9 Shtator 2025, 17:04, Kosova & Bota CNA

Sulmet ajrore në Doha/ Liderët botërore: Cenim i integritetit dhe

Sulmi ajror i ushtrisë izraelite në Katar është dënuar nga liderët e shteteve dhe sekretari i Përgjithshëm i OKB-së Antonio Guterres. Guterres deklaron se sulmi është shkelje flagrabte e e sovranitetit dhe integritetit territorial të Katarit

Sekretari i Përgjithshëm i OKB-së, Antonio Guterres, i ka quajtur sulmet ajrore një "shkelje flagrante" të sovranitetit dhe integritetit territorial të Katarit. Ai shtoi se të gjitha palët në luftën e Gazës duhet të punojnë drejt arritjes së një armëpushimi të përhershëm, në vend që të shkatërrojnë perspektivën e një të tille.

Ministria e Jashtme e Kuvajtit tha se sulmi shkeli të gjitha ligjet dhe normat ndërkombëtare, duke shtuar:

"Ne ripërsërisim qëndrimin tonë duke bërë thirrje që Këshilli i Sigurimit të marrë përsipër përgjegjësitë e tij në ruajtjen e sigurisë ndërkombëtare".

Jordania tha se e konsideronte agresionin e Izraelit një kërcënim serioz për sigurinë e popullit të Katarit.

"Ne qëndrojmë me vëllezërit tanë në Katar dhe i mbështesim plotësisht ata në çdo hap që ndërmarrin kundër agresionit", tha ajo.

Ministria e Jashtme e Irakut gjithashtu dënoi sulmin, duke e quajtur atë një "akt frikacak" dhe duke shprehur "mbështetje të plotë" për Katarin për t'u përballur me çdo agresion.

Presidenti i Maldiveve , Mohamed Muizzu, e dënoi me forcë sulmin “frikacak” izraelit, duke e quajtur atë

“Një shkelje serioze të së drejtës ndërkombëtare dhe një shkelje flagrante të sovranitetit dhe integritetit territorial të një kombi sovran”./CNA

 

 

 

 

 

 

 

 





Lajmet e fundit nga