web counter
LEXO PA REKLAMA!

SHKARKO APP

App Store
Google Play

E fundit!

x

Macron emëron kryeministrin e ri

9 Shtator 2025, 20:07, Kosova & Bota CNA

Macron emëron kryeministrin e ri

Presidenti i Francës Emmanuel Macron ka emëruar kryeministrin e ri Sebastien Lecornu, pas rënies së qeverisë dje në votëbesimin në Asamblenë Kombëtare.

Lecornu do të pasojë François Bayrou, i cili u shkarkua nga detyra pasi humbi votëbesimin.

Sebastian Lecornu mbante postin e ministrit të Mbrojtjes, post nga i cili u largua mëngjesin e sotëm pas dorëzimit të dorëheqjes nga Bayrou dhe pranimit nga Macron.

Lecornu është 39 vjeç dhe u bashkua me lëvizjen e presidentit Macron në vitin 2017.

Sipas Reuters, zgjedhja e Lecornu-së, tregon vendosmërinë e Macron-it për të vazhduar me një qeveri minoritare që mbështet fuqimisht axhendëne tij të reformave ekonomike pro-biznes, sipas së cilës taksat mbi biznesin dhe të pasurit janë ulur dhe mosha e daljes në pension është rritur.

Lecornu tani përballet me sfidën e dyfishtë: ta nxjerrë Francën nga bataku i saj financiar, ndërkohë që drejton një qeveri të përgatitur për protesta masive.

Demonstrata dhe bllokime autostradash në të gjithë vendin janë caktuar për të mërkurën, të pasuara nga një grevë më e gjerë e udhëhequr nga sindikatat më 18 shtator./CNA

 

 





Lajmet e fundit nga