E fundit!

20:46 Politikë

“Në drejtimin e duhur me kalendarin ambicioz”/ Rama: Jam optimist në mënyrën më shqiptare për mbylljen e kapitujve

Kryeministri Edi Rama gjatë fjalës së tij në konferencën n...

Tërmeti preku 13.5 milionë banorë/ Ministri i Mjedisit në Turqi: 10 provinca u shkatërruan

7 Shkurt 2023, 09:27, Kosova & Bota CNA

Tërmeti preku 13.5 milionë banorë/ Ministri i Mjedisit në

Ministri i Mjedisit, Urbanizimit dhe Ndryshimeve Klimatike, Murat Kurum, deklaroi se 13 milionë e gjysmë qytetarë janë prekur nga tërmeti .

“Në Gaziantep janë 581 ndërtesa të shkatërruara, 1468 humbje jetësh. Tërmeti preku drejtpërdrejt 10 provinca në rajon”, ka deklaruar në një dalje për mediat mëngjesin e sotëm, raporton CNN turk.

Deklarata e Ministrit turk

Shumë nga krahinat tona kanë pësuar dëmtime të drejtpërdrejta nga tërmeti. Sigurisht, ne gjithmonë themi se më shumë se 70 për qind e vendit tonë jeton në zona tërmetesh.

Ky tërmet është fatkeqësia më e madhe që vendi ynë ka parë në shekullin e fundit pas tërmetit të Erzincanit.

Ne po e ndjekim situatën që në momentin e parë me koordinimin e të gjitha ekipeve tona, ministrave dhe guvernatorët tanë në krahinat e prekura.

Ky tërmet ka prekur drejtpërdrejt 13.5 milionë qytetarë.

Pas tërmetit të parë të madh, disa ndërtesa u shembën, ndërsa me tërmetin e dytë të madh, ndërtesat e shkatërruar dhe të dëmtuara ishin gjithashtu në gjendje shembjeje.

Mesazhi i ministrit për qytetarët

Ministri i Mjedisit, Urbanizimit dhe Ndryshimeve Klimatike, Murat Kurum, ka thënë se po kontrollohen rrugët, për t’u siguruar se në cilat akse mund të lëvizin qytetarët.

Ai u ka bërë thirrje qytetarëve që të lënë të lirë autostradën që të çon ën zonat e prekura nga tërmeti.

Gjithashtu ai ka njoftuar se së shpejti dp të rikthehet edhe furnizimi me ujë të pishëm.

“Ne po e ndjekim procesin në zonën e tërmetit 24 orë. Konkretisht në Gaziantep, kemi 581 ndërtesa të shkatërruara, viktimat kanë arritur në 1 468. Kemi 3570 qytetarë të lënduar, të cilët i kemi nxjerrë nga rrënojat.

Qindra autoambulanca janë duke punuar në mënyrë aktive, si dhe janë vendosur çadrat fushore ashtu edhe në spitalet tona, me qëllim për të ofruar të gjitha llojet e shërbimeve dhe të trajtimeve për qytetarët tanë.

Zjarri ka rënë në vatrat tona, kjo dhimbje është e papërshkrueshme.

Nën koordinimin e ekipeve tona të kërkim-shpëtimit, ne po shkojmë në ndihmë të qytetarëve tanë në të gjitha zonat e prekura.

Thirrja jonë është që t'u kërkojmë qytetarëve tanë që të shmangin sa më shumë trafikun në autostradën D-400 dhe t'u japin përparësi ekipeve tona të ndihmës në rast nevoje.

Me hapjen e kësaj rruge, ne do të përshpejtojmë procesin e ndihmës për të dy rajonet Mara?, Kilis dhe Urfa.

Ne do të fillojmë të hapim rrugën nga autostrada. Qytetarët tanë mund ta përdorin rrugën në mënyrë të kontrolluar. Nuk kishte ujë në qendër dhe në disa zona.

Por, falë punës së palodhur, shpresojmë që nga dita e sotme të fillojnë operacionet e pjesshme për furnizimin me ujë në Gaziantep, Islahiye dhe Nurda??. Ndrëkohë nevojat me qytetarëve do të plotësohen me çisternat me ujë që do të dërgohen në çdo zonë”, ka thënë Ministri./CNA.al