web counter
LEXO PA REKLAMA!

SHKARKO APP

App Store
Google Play

E fundit!

x

Atentati me armë/ Si është gjendja shëndetësore e kryeministrit sllovak

16 Maj 2024, 07:52, Kosova & Bota CNA
Atentati me armë/ Si është gjendja shëndetësore e
Kryeministri sllovak, Robert Fico

Kryeministri sllovak, Robert Fico, u sulmua me armë pasditen e djeshme.

Fico u qëllua në qytetin Handlova, para Shtëpisë së Kulturës, menjëherë pas mbledhjes së qeverisë.

Mediat vendase raportojnë se 71-vjeçari Juraj Cintula qëlloi 5 herë me armë kryeministrin sllovak në stomak dhe në dorën e majtë.

Ky i fundit iu nënshtrua menjëherë një ndërhyrjeje kirurgjikale në spitalin Banska Bystrica.

Zëvendëskryeministri Tomas Taraba tha për "BBC" se Robert Fico nuk është më në rrezik dhe se operacioni kishte shkuar "mirë".

“Fico nuk është në një situatë kërcënuese për jetën në këtë moment. Me sa di unë, operacioni shkoi mirë dhe mendoj se në fund ai do të mbijetojë”, u shpreh ai.

Zëvendëskryeministri fajësoi partitë opozitare në Sllovaki si nxitëse të urrejtjes politike.

“Kryeministri ynë e përmendi disa herë në të kaluarën se kishte frikë se kjo do të ndodhte”, tha Taraba, duke theksuar se Fico kishte paralajmëruar se mënyra se si "qeveria u sulmua me akuza të rreme mund të nxisë reagimin e njerëzve dhe të çojë në diçka të tillë"./ CNA





Lajmet e fundit nga