web counter
LEXO PA REKLAMA!

SHKARKO APP

App Store
Google Play

E fundit!

x

Horror në Greqi/ Trupi i 41-vjeçares shtatzënë gjendet në pyll

8 Janar 2024, 20:53, Kosova & Bota CNA

Horror në Greqi/ Trupi i 41-vjeçares shtatzënë gjendet

Një ngjarje horror është zbardhur në Greqi. Është gjendur në një sënduk në një zonë pyjore, trupi i 41-vjeçares Georgia Mourati.

Sipas informacioneve nga burime policore, për vrasjen e saj është arrestuar partneri i saj dhe një nga miqtë e tij.

Siç sqaruan të njëjtat burime për mediat greke, historia u zbulua nga miku i partnerit të 41-vjeçares, i cili i pyetur në polici ka rrëfyer se 41-vjeçarja është vrarë nga partneri i saj dhe se ka ndihmuar në transportimin e saj për në zonën ku ajo u gjet.

Shoku i partnerit të 41-vjeçares është arrestuar pasi në shtëpi i ishin gjetur gjurmët . Ky është një person që ka qenë shqetësues për autoritetet në të kaluarën.

Më herët partneri i 41-vjeçares ka tentuar të devijojë hetimet e autoriteteve duke thënë se gruaja është zhdukur duke marrë me vete një shumë të madhe parash.

Menjëherë pas zhdukjes së gruas, Policia nisi hetimet. Në kuadër të analizës së pamjeve nga kamerat e zonës, i dashuri i saj dhe miku i tij janë parë duke dalë nga shtëpia duke mbajtur një sënduk. Policia më pas kontrolloi shtëpinë ku gjeti gjurmë gjaku, flokët dhe ADN-në e gruas.

Më pas është arrestuar miku i autorit, i cili ka rrëfyer se ka ndihmuar partnerin e 41-vjeçares për të transportuar trupin e pajetë në vendin ku u gjet në Halkidiki. Madje, ai ka thënë se nuk ka pasur asnjë përfshirje në vrasjen e tij dhe e vetmja përfshirje e tij ka qenë transportimi i trupit.

Së fundi, ai tha se çifti kishte konflikte financiare, ndërsa pohoi se ka pasur edhe dhunë në familje. Partneri i 41-vjeçares është denoncuar nga motra e tij për rrahje dhe është dënuar për dhunë.

Konkretisht, 2-3 vite më parë ai ka rrahur vazhdimisht motrën e tij dhe ajo është shtruar në spital me dëmtime në kokë dhe në trup. Siç deklaroi ajo, ka ende boshllëqe në kujtesë dhe stres post-traumatik. Sipas denoncimit të gruas, gjithçka ka ndodhur pasi ajo nuk i jepte para./ CNA





Lajmet e fundit nga