web counter
LEXO PA REKLAMA!

SHKARKO APP

App Store
Google Play

Lajm i mirë/ Spanja njeh pasaportat e Kosovës

6 Janar 2024, 15:27, Kosova & Bota CNA
Lajm i mirë/ Spanja njeh pasaportat e Kosovës
Besnik Bislimi

Lajm i mirë për qytetarët e Kosovës. Tashmë ata mund të udhëtojnë pa viza edhe drejt shtetit spanjoll. 

Zëvendëskryeministri, Besnik Bislimi ka thënë se tashmë qytetarët e Kosovës do të mund të udhëtojnë pa viza edhe në Spanjë.

Për deklaratën e bërë, Bislimi iu referua Drejtorisë së Përgjithshme për Migracionin dhe Çështjet e Brendshme të Bashkimi Europian. 

“Lajmet e mira vazhdojnë. Për qytetarët tanë dhe shtetin. DG Home ka njoftuar se tashmë edhe Spanja i njeh pasaportat e Republikës së Kosovës. Pra mund të udhëtojmë pa viza dhe drejt këtij shteti. Ndërsa me 1 janar nisi lëvizja pa viza, Spanja është destinacion që i shtohet vendeve të zonës Shengen ku mund të udhëtojmë përmes liberalizimit, e ku pengesë më herët ishte mosnjohja e pasaportës sonë. Vazhdojmë tutje, për të sjellë lajme të tjera të mira, e që ndikojnë pozitivisht për qytetarët tanë”, ka shkruar Bislimi në Facebook.

Spanja ka qenë vendi i vetëm i Schengen zonës që ka refuzuar t’i lejojë qytetarët e Kosovës të futen në territorin e saj për shkak të mosnjohjes së pasaportës./CNA 





Lajmet e fundit nga