web counter
LEXO PA REKLAMA!

SHKARKO APP

App Store
Google Play

E fundit!

x

Skandali në Aeroportin e Shkupit, sherr në kullën e vrojtimit teksa fluturonin mbi 36 avionë

6 Janar 2024, 09:26, Kosova & Bota CNA
Skandali në Aeroportin e Shkupit, sherr në kullën e vrojtimit
Foto ilustruese

Mbi 36 avionë kanë qenë duke fluturuar në hapësirën ajrore të Maqedonisë së Veriut në momentin kur kreu i degës së BDI-së në Çair, Bekim Neziri, duke përdorur kartën e tij dhe duke shkelur protokollet u fut të kullën e radarëve në Aeroportin e Shkupit, për të grushtuar njërin nga kontrollorët, përkatësisht Premtim Berishën.

Bekim Neziri, tashmë është arrestuar nga policia. 

Kreu i Sindikatës së Kontrollorëve tha se hyrja në një objekt të vrojtimit të fluturimeve përbën akt terrorist dhe cenim të sigurisë kombëtare.

“Vet objekti për kontroll të fluturimeve është hapësirë strikte për objekt sigurie që interes kombëtar për të hyrë atje ka protokolle të posaçme sigurie. Ne besojmë se me normat ndërkombëtare ky akt në ndonjë shtet normal në Evropë apo Botë do të trajtohej si akt terrorizmi. Vet hyrja në ato hapësira paraqet rrezik sepse nuk të vij deri te sulmi, nëse personi ishte duke përcjell ato pozicione që për momentin është dashur të ndaj dy ose më tepër vija të fluturimit, atëherë ekziston rreziku për ndeshje potenciale të atyre aeroplanëve”, tha Aleksandar Tasevski, Sindikata e Kontrollorëve.

Autoritetet ende nuk ka bërë kallëzimet penale, pasi po merren deklarata të dëshmitarëve, në mesin e të cilëve ishin edhe 3 punonjës të sulmuar fizikisht. Ndërkohë janë siguruar edhe pamjet e kamerave të vendit ku ndodhi sherri./CNA 





Lajmet e fundit nga