web counter
LEXO PA REKLAMA!

SHKARKO APP

App Store
Google Play

E fundit!

x

E rrallë/ Harta më e madhe mesjetare në botë gjendet në Venecia

14 Shkurt 2024, 15:55, Kosova & Bota CNA

E rrallë/ Harta më e madhe mesjetare në botë gjendet në

Në katin e dytë të Bibliotekës së Shën Markut në Venecia, një hartë e botës zë të gjithë dhomën. Kjo hartë është krijuar në 1459 dhe përmbledh të gjitha njohuritë gjeografike të kohës e është padyshim harta më e madhe mesjetare e botës.

Pothuajse dy herë më e madhe se e famshmja angleze "Hereford Mappa Mundi, kjo planisferë e dekoruar në mënyrë të shkëlqyer që shfaq Evropën, Afrikën dhe Azinë ishte kryevepra e Fra Mauro, një murg i rendit Camaldolese që jetonte në ishullin e vogël venecian të San Michele.

Megjithëse murgu nuk doli kurrë jashtë Venecias, harta që ai krijoi është jashtëzakonisht e saktë në përshkrimin e qyteteve, provincave, kontinenteve, lumenjve dhe maleve, raporton "BBC".

Amerika nuk është në hartë, pasi Kolombi do të bënte udhëtimin e tij përtej oqeanit 33 vjet më vonë, po kështu pjesë e hartës nuk është as Australia.

Por Japonia (ose me fjalët e Fra Mauro, "Cipango") është atje, duke bërë paraqitjen e saj të parë në një tabelë perëndimore. Edhe më e habitshme, Afrika është e vendosur saktë. 

Këto risi dhe fakti që harta u përfundua disa dekada përpara se Kristofor Kolombi të lundronte në Amerikë, kontribuojnë që harta e Fra Mauro të konsiderohet si lidhja gjeografike midis Mesjetës dhe Rilindjes.

Për vizitorët bashkëkohorë, harta e tij është një kujtesë e faktit se hartat dikur nuk ishin vetëm mjete praktike, por edhe një çështje bukurie – dhe një mënyrë për të treguar historitë më të jashtëzakonshme./CNA 

E rrallë/ Harta më e madhe mesjetare në botë gjendet në





Lajmet e fundit nga