web counter
LEXO PA REKLAMA!

SHKARKO APP

App Store
Google Play

Hapet rruga ndërkufitare Gorozhup-Pogaj/ Kurti: Vlerë e paçmuar, lidh dy komunitete që historikisht kanë qenë një

4 Tetor 2025, 18:01, Kosova & Bota CNA

Hapet rruga ndërkufitare Gorozhup-Pogaj/ Kurti: Vlerë e

Ditën e sotme është hapur rruga ndërkufitare që lidh fshatrat Pogaj në Has dhe Gorozhupi në Kosovë.

Kryeministri në detyrë i Kosovës, Albin Kurti me anë të një postimi në rrjetet sociale shkruan se kjo rrugë është fryt i marrëveshjes ndërqeveritare Kosovë-Shqipëri.

Kurti shkruan se shuma e investimit është rreth 1 milionë euro, por vlera është e paçmuar.

Më tej, kryeministri në detyrë thotë se qeveria e Kosovës është e interesuar në vazhdimin e projekteve të tjera të përbashkëta me Shqipërinë për zonat e përbashkëta kufitare.

“Rruga Gorozhup – Pogaj është fryt i marrëveshjeve ndërqeveritare Kosovë - Shqipëri. Shuma e investimit është afër 1 milion euro, por vlera e tij është e paçmuar, sepse i lidh dy komunitete që historikisht kanë qenë një, fshatrat Gorozhup dhe Pogaj, të cilat i bashkojnë familja, tradita dhe jeta e përditshme.

Lidhja jonë me Shqipërinë është historike e shpirtërore, kombëtare e kulturore dhe ajo duhet të jetë çdo ditë e më shumë edhe fizike. Kjo rrugë sot, bashkë me rrugët Kërstec – Pakishtë – Zapod dhe Dobrunë – Blinishtë, janë hapat tanë konkretë në atë drejtim.

Projekti sot po ashtu shënon përmbylljen e suksesshme të marrëveshjes me Shqipërinë për ndërtimin e tri rrugëve ndërkufitare. Qeveria e Kosovës është e interesuar të vazhdojë dhe të shtojë bashkëpunimin me Republikën e Shqipërisë edhe për projekte të tjera, të cilat janë shumë të rëndësishme për zonat tona të përbashkëta kufitare.

Urime banorëve dhe le ta gëzojmë të gjithë”, shkruan Kurti./CNA





Lajmet e fundit nga