E fundit!

12:20 Kronika

Atentati i 30 qershorit në Korçë/ Arrestohet vëllai i autorit, në pranga dhe i plagosuri

Një nga personat e shpallur në kërkim për plagosjen e shte...

Horrori që tronditi Belgjikën/ I riu shqiptar gjendet i varur në një tabelë rrugësh

Mediat vendase: E njëjta metodë që përdorin bandat meksikane

3 Tetor 2025, 12:40, Kosova & Bota CNA

Horrori që tronditi Belgjikën/ I riu shqiptar gjendet i varur në

Trupi i një burri 29-vjeçar u gjet i varur në një tabelë të dielën në Bruksel. Viktima është identifikuar si B.H., 29 vjeç, me origjinë nga fshati Bicaj i Kukësit.

Mundësia e vetëvrasjes nuk është përjashtuar, por mënyra se si është gjetur trupi ka ngritur dyshime të forta se mund të jetë një ekzekutim i lidhur me konfliktet midis grupeve kriminale.

Sipas mediave britanike, në vitin 2017 B. H. u arrestua në Southampton së bashku me tre shqiptarë të tjerë, N.M., F.H. dhe T.H., si pjesë e një grupi trafikimi kokaine.

Gjatë një operacioni në prill 2017, policia sekuestroi një furgon me 140,000 £ kokainë të pastër dhe 180,000 £ në para të gatshme. B. H. u arrestua në një apartament ku u gjet edhe drogë me vlerë 10,000 £.

Ai u dënua me 7 vjet burg, ndërsa katër anëtarët e grupit morën gjithsej 25 vjet burg.

Policia vijon hetimet

Ndërkohë, zyra e prokurorit të Brukselit e konsideron incidentin të dyshimtë dhe ka hapur një hetim. Është ende shumë herët për të përcaktuar rrethanat e sakta të incidentit dhe mundësia e vetëvrasjes nuk mund të përjashtohet.

Trupi u gjet pranë Westland Shopping, jo shumë larg zonës Peterbos, një vendndodhje strategjike për trafikun e drogës në Bruksel. Akoma nuk ka një raport që konfirmon lidhjen midis bandës Peterbos dhe trupit të gjetur. Por nëse konfirmohet, kjo ngjarje do ta pozicionojë Brukselin në një situatë të re dhe shqetësuese.

Një burim i mirinformuar për gazetën "La Capitale" thekson se kjo ngjarje u ngjan metodave të përdorura nga bandat meksikane, të njohura për dhunën e tyre ekstreme dhe përdorimin brutal të forcës kundër rivalëve, tradhtarëve ose atyre që nuk respektojnë rregullat e tyre.

Në një intervistë me gazetën "Het Laatste Nieuws", drejtori i Drejtorisë Federale të Policisë në Bruksel, Eric Jacobs, përmend praninë e mafies së Marsejës dhe të mafies së famshme me origjinë nga Afrika e Veriut.

"Të gjithë përdorin të njëjtat metoda: kërcënime, vrasje. Pyetja është nëse viktima e së dielës i përkiste kësaj bote mafioze dhe nëse ai u përdor si paralajmërim për rivalët e tij. Hetimi policor do ta zbulojë këtë", thotë ai./ CNA