LEXO PA REKLAMA!

SHKARKO APP

Haga kërkon “kokën” e Vladimir Putin/ Rusia reagon ashpër: Urdhër-arresti, letër higjenike

17 Mars 2023, 19:39, Kosova & Bota CNA
Haga kërkon “kokën” e Vladimir Putin/ Rusia reagon
Presidenti rus, Vladimir Putin

Gjykata Ndërkombëtare Penale në Hagë (ICC) lëshoi sot ??një urdhër arresti kundër presidentit rus, Vladimir Putin, duke e akuzuar atë për krime lufte në Ukrainë.

Për këtë udhër-arrest ka ardhur një reagim i fortë nga Rusia. Ka qenë ish-udhëheqësi rus, Dmitry Medvedev, ai i cili ka kundërshtuar me forcë vendimin e gjykatës.

Me anë të një statusi në rrjetet sociale, Medvedev e ka cilësuar urdhër-arrestin si "letër higjienike".

“Gjykata Ndërkombëtare Penale ka lëshuar një urdhër arresti kundër Vladimir Putin. Nuk ka nevojë të shpjegohet ku duhet përdorur kjo letër”, shkruan ai.

Haga kërkon “kokën” e Vladimir Putin/ Rusia reagon

Ndërkohë, një tjetër reagim ka qenë ai i zëdhënësit të Vladimir Putinit, Dmitry Peskov. Në një prononcim për gazetarët, Peskov tha se nuk e njeh Gjykatën e Hagës dhe as vendimet e saj.

“Vetë pyetja (e ngritur nga ICC) është skandaloze dhe e papranueshme. Rusia, së bashku me disa shtete të tjera, nuk e njeh juridiksionin e asaj gjykate dhe kështu çdo vendim i këtij lloji për Rusinë është i pavlefshëm nga pikëpamja ligjore”, deklaroi ai, ndërsa nuk pranoi të flasë më gjatë për këtë çështje.

Ndërkaq, deri më tani nuk ka pasur asnjë reagim nga vetë Vladimir Putin./ CNA.al

Lajmet e fundit nga