web counter
LEXO PA REKLAMA!

SHKARKO APP

App Store
Google Play

Greqia "paralizohet" nga grevat 24-orëshe/ Plas molotovi, sulme ndaj policisë

9 Nëntor 2022, 15:45, Kosova & Bota CNA

Greqia "paralizohet" nga grevat 24-orëshe/ Plas molotovi, sulme

Greqia është përfshirë në grevë prej 24 orësh. Qytetarët kanë reaguar ashpër për shkak të krizës ekonomike.

Në këtë protestë janë përfshirë sindikatat e sektorit privat GSEE dhe të atij shtetëror ADEDY, Qendrat e Punëtorëve të Athinës, Selanikut dhe qyteteve të tjera si dhe sindikata që mbështet Partinë Komuniste greke PAME.

Pjesë e grevës është bërë edhe Federata Panhelene Detare, ndërsa anijet e të gjitha kategorive do të jenë të ankoruara në gjithë portet e vendit.

Edhe nënpunësit e administratës shtetërore, të prefekturave dhe bashkive, të shërbimeve publike, ata të tatim-taksave, mësuesit, mjekët në spitalet publike që do të funksionojnë me personel sigurie, i janë bashkuar grevës.

Qytetet kryesore janë përfshirë nga tubime masive, ndërsa në Athinë dhe Selanik ka pasur edhe përplasje.

Pak më parë disa persona të paidentifikuar, me maska në fytyrë kanë hedhur bomba molotovi drejt policisë. Edhe në qendër të Selanik ka ndodhur po e njëjta situatë, ku personat pjesëmarrës në protestë kanë sulmuar forcat policore.

Për të zmbrapsur protestuesit ka përdorur gaz lotsjellës, ndërkohë disa persona janë shoqëruar në polici./CNA.al

 





Lajmet e fundit nga