web counter
LEXO PA REKLAMA!

SHKARKO APP

App Store
Google Play

Frika për tërmet në Santorini/ Largohen 5 mijë banorë nga ishulli

4 Shkurt 2025, 09:51, Kosova & Bota CNA

Frika për tërmet në Santorini/ Largohen 5 mijë banorë

Banorët në Santorini u përballën me një tjetër natë të vështirë, teksa mbetet ende i lartë rreziku dhe ankthi për një tërmet tjetër. Kjo valë e pamëshirshme e aktivitetit sizmik vazhdon të trondisë ishullin.

Gjatë tri ditëve të fundit, janë regjistruar 550 tërmete në detin midis Santorinit, Amorgos dhe Ios, me 36 lëkundje vetëm gjatë natës.

Pavarësisht sigurisë që jepet nga sizmologët, frika ka shtyrë mijëra banorë të largohen nga Santorini. Vetëm në 24 orët e fundit, 2000 persona kanë mbërritur në Athinë, duke e çuar numrin total të atyre që kanë ikur në mbi 5000.

Organizata e Planifikimit dhe Mbrojtjes nga Tërmetet e Greqisë ka paralajmëruar se aktiviteti intensiv sizmik mund të vazhdojë për javë të tëra. Drejtuesi i institucionit deklaroi se një tërmet me magnitudë 5.2–5.3 mund të ndryshojë presionin sizmik, duke reduktuar rrezikun e një ngjarjeje shumë më të fortë. Ndërsa një tërmet mbi 6.0 mbetet i pamundur, ekspertët vazhdojnë të monitorojnë situatën nga afër. /CNA 





Lajmet e fundit nga