web counter
LEXO PA REKLAMA!

SHKARKO APP

App Store
Google Play

E fundit!

x

Fotot e reja në dosjet "Epstein"/ Starmer: Ish-princi Andrew duhet të dëshmojë në Kongresin Amerikan

31 Janar 2026, 22:35, Kosova & Bota CNA

Fotot e reja në dosjet "Epstein"/ Starmer: Ish-princi Andrew

Kryeministri i Britanisë së Madhe, Keir Starmer ka deklaruar se ish-princi Andrew duhet të dëshmojë para Kongresit Amerikan lidhur me marrëdhënien që ai ka pasur me financierin e dënuar për abuzim seksual, Jeffrey Epstein.

"Lidhur me dëshminë, gjithmonë kam thënë se kushdo që ka informacion duhet të jetë i përgatitur ta ndajë atë në çdo formë që i kërkohet. Nuk mund të përqendrohesh te viktimat nëse nuk je i përgatitur ta bësh këtë. Viktimat e Epstein duhet të jenë përparësi. Sa i përket faktit nëse duhet të ketë një kërkimfalje, kjo është punë e Andrew-t", tha Starmer në një prononcim për gazetarët.

Kujtojmë se së fundmi janë publikuar fotografi nga Departamenti Amerikan i Drejtësisë, në të cilat dyshohet se është Andrew Mountbatten-Windsor me një grua të shtrirë në dysheme.

Fotot e reja në dosjet "Epstein"/ Starmer: Ish-princi Andrew

Ashtu si me pjesën më të madhe të materialit të përfshirë në të ashtuquajturat "dosjet Epstein", nuk specifikohet se kur dhe ku janë bërë fotot, as nuk jepet ndonjë shpjegim shtesë.

Ndërkohë në një grup të mëparshëm dokumentesh, një foto e Princit Andrew në një rezidencë private, i rrethuar nga gra, e bërë gjatë një eventi zyrtar me kravatë të zezë ku mori pjesë Ghislaine Maxwell, u publikua si pjesë e dosjeve të Epstein në dhjetor.

Ndërkohë dokumentet e reja u publikuan nga Departamenti i Drejtësisë i SHBA-së, i cili njoftoi se ishin bërë deklasifikime të gjera, me qëllim mbrojtjen e viktimave dhe sigurimin e hetimeve aktive. /CNA





Lajmet e fundit nga