web counter
LEXO PA REKLAMA!

SHKARKO APP

App Store
Google Play

E fundit!

x

Fabrika e biskotave në Greqi përfshihet nga flakët/ Humbin jetën 3 punonjëse

26 Janar 2026, 08:55, Kosova & Bota CNA

Fabrika e biskotave në Greqi përfshihet nga flakët/ Humbin

Një ngjarje e rëndë ka tronditur qytetin e Trikalas mëngjesin e kësaj të hëne, pasi një zjarr i madh shpërtheu në fabrikën e njohur të biskotave VIOLANTA, ku humbën jetën tre gra, ndërkohë që dy të tjera vijojnë të jenë të zhdukura.

Zjarri ka rënë pak para orës 04:00 të mëngjesit, pas një shpërthimi të fuqishëm, i cili përfshiu një krah të tërë të fabrikës. Në momentin e shpërthimit, në zonën e cila u përfshi nga zjarri i madh ndodheshin pesë punëtore.

Pesë punëtorë të tjerë dhe një zjarrfikës janë transportuar në spital për ndihmë mjekësore. Sipas informacioneve zyrtare, të plagosurit ndodhen jashtë rrezikut për jetën dhe janë në gjendje të mirë shëndetësore.

Për arsye sigurie, policia ka mbyllur rrugën Karditsi, ndërsa qarkullimi i automjeteve po devijohet përmes fshatit Agia Kyriaki, për të lehtësuar ndërhyrjen e forcave të emergjencës dhe për të garantuar sigurinë e qytetarëve.

Në vendngjarje është urdhëruar të ndërhyjë edhe Drejtoria për Luftimin e Krimeve të Zjarrvënies së Qëllimshme, e cila pritet të hetojë shkaqet e zjarrit.





Lajmet e fundit nga