web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 28 dhjetorit/ Albin Kurti kërkon hetim: Komisionerë dhe individë kanë manipuluar vota

24 Janar 2026, 11:57, Kosova & Bota CNA

Zgjedhjet e 28 dhjetorit/ Albin Kurti kërkon hetim: Komisionerë dhe

Kryeministri i Kosovës, Albin Kurti ka kërkuar hetim pasi sipas tij në zgjedhjet e 28 dhjetorit ka patur komisionerë dhe individë që në mënyrë klandestine janë përfshirë në manipulime votash brenda subjekteve politike duke dëmtuar kolegë dhe subjekte.

Kurti thekson se dyshimet duhet të hetohen, manipuluesit duhet të ndëshkohen, këto raste nuk duhet të shfaqen kurrë më në të ardhmen.

“Komisionerë e individë që në mënyrë klandestine janë përfshirë në manipulime votash brenda subjekteve politike duke dëmtuar kolegë e subjekte politike nuk kanë amnisti. I inkurajojmë institucionet përgjegjëse që hetimet të shkojnë deri në fund.

Lëvizja VETËVENDOSJE ka qenë gjithnjë gardiane e ruajtjes së vullnetit politik të shprehur përmes votës në kuti të votimit dhe ashtu do të qëndrojë përherë.

Republika e Kosovës është shembull i demokracisë në rajon dhe i proceseve zgjedhore. Adresimi përmes ligjit dhe llogaridhënies për rastet e dyshimeve të manipulimeve brenda subjekteve politike, është i domosdoshem për integritetin e procesit.

Vullneti i qytetarëve është i shenjtë, vota është e lirë, dhe kjo do të garantohet deri në fund. Dyshimet duhet të hetohen, manipuluesit duhet të ndëshkohen, këto raste nuk duhet të na shfaqen kurrë më në të ardhmen”, tha Kurti./ CNA





Lajmet e fundit nga