E fundit!

09:44 Politikë

Triumfoi ndaj Boçit në garën për nënkryetar/ Mesazhi i Këlliçit pas fitores

Belind Këlliçi është zgjedhur nënkryetar i PD-së me 177 vo...

Zelensky me kritika të ashpra për Evropën: Ende nuk dinë si të mbrojnë veten

22 Janar 2026, 18:27, Kosova & Bota CNA

Zelensky me kritika të ashpra për Evropën: Ende nuk dinë si

Presidenti i Ukrainës, Volodymyr Zelenskyy ka shprehur kritika të ashpra për Evropën gjatë një fjalimi në Davos, ku tha se udhëheqësit evropiane se janë fokusuar totalisht ndaj çështjes së Groenlandës, dhe se presin që presidenti amerikan Donald Trump të marrë vendime për Ukrainën dhe krizat e tjera gjeopolitike.

“Vetëm vitin e kaluar, këtu në Davos, e mbylla fjalimin tim me fjalët se Evropa duhet të dijë si të mbrohet. Ka kaluar një vit dhe asgjë nuk ka ndryshuar. Evropa mbetet në modalitetin e Groenlandës, ndoshta dikush diku do të bëjë diçka”, tha Zelenskyy në një fjalim në Forumin Ekonomik Botëror.

Në fjalimin e tij, Zelensky shmangu kritikat ndaj presidentit të SHBA-së, ndërsa në vend të kësaj fajësoi evropianët se kanë mbetur nën urdhrin e një Shtëpie të Bardhë gjithnjë e "më të paparashikueshme".

“Të gjithë i kushtuan vëmendje Groenlandës dhe është e qartë se shumica e udhëheqësve nuk janë të sigurt se çfarë të bëjnë në lidhje me të. Duket sikur të gjithë po presin që Amerika të qetësohet në lidhje me këtë temë, duke shpresuar se do të kalojë. Po sikur të mos kalojë: çfarë pastaj?

Evropa duhet të mësojë si të mbrohet. Dërgimi i 14 ose 40 ushtarëve në Groenlandë - çfarë synon të arrihet? Çfarë mesazhi i dërgon kjo Putinit? Kinës?

Dhe ndoshta, më e rëndësishmja, çfarë mesazhi i dërgon Danimarkës? Sot, Evropa mbështetet vetëm në bindjen se nëse vjen rreziku, atëherë NATO do të reagojë. Por askush nuk e ka parë vërtet aleancën në veprim. Nëse Putini vendos të marrë Lituaninë ose të sulmojë Poloninë, kush do të përgjigjet? Tani për tani, NATO ekziston falë bindjes se Shtetet e Bashkuara do të veprojnë… por çfarë ndodh nëse nuk veprojnë?”, u shpreh presidenti ukrainës.

Ai gjithashtu sugjeroi që Evropa duhet të luajë një rol më të fortë në shënjestrimin e “flotës në hije” të cisternave të naftës të Rusisë që ndihmojnë në financimin e makinës së saj të luftës, dhe tha se mbetet shumë e lehtë për Rusinë të anashkalojë sanksionet që i lejojnë asaj të vazhdojë prodhimin masiv të raketave dhe municioneve të tjera.

Fjalimi i Zelensky, drejtuar Evropës për dështimin në reagimin ndaj paqëndrueshmërisë në udhëheqjen amerikane, u mbajt pasi ai u takua me Trump për të diskutuar bisedimet e ngecura për një marrëveshje paqeje që do t'i jepte fund luftës së Rusisë në Ukrainë.

Trump u tha gazetarëve se takimi i tij me Zelenskyy ishte i mirë, por se kishte ende rrugë për të bërë deri në arritjen e paqes. I dërguari i tij, Steve Witkoff do të takohet me Vladimir Putin më vonë të enjten. Witkoff tha se fakti që takimi u thirr nga rusët ishte një shenjë e mirë. I pyetur në Davos nëse kishte ndonjë mesazh për Putinin, Trump tha: “Lufta duhet të marrë fund.” /CNA