web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohen rreth 80 kg lëndë narkotike në Kosovë/ Në pranga tre persona

22 Janar 2026, 18:06, Kosova & Bota CNA

Sekuestrohen rreth 80 kg lëndë narkotike në Kosovë/ Në

Mbi 76 kilogramë lëndë narkotike janë sekuestruar në Kosovë në kuadër të një operacioni policor të koduar “Bregdeti”. Në kuadër të operacionit janë arrestuar tre persona.

Sipas njoftimit të policisë, mbrëmjen e djeshmë pranë pikës kufitarë në Merdare është ndaluar shtetasi H. S. i cili ishte duke e drejtuar një kamion dhe gjatë kontrollit në të mjetit janë gjetur të fshehura 68 pako të mbushura me marijuanë me një peshë 76 kilogramë e 800 gramë.

Në kuadër të operacionit janë zhvillur kontrolle edhe në banesën e këtij shtetasi ku janë gjetur: një armë zjarri, dy automjete, një kamion, një telefon dhe rreth 3 mijë euro.

Operacioni ka zhvilluar edhe sot ku janë kryer kontrolle në shtëpitë e dy të dyshuarve të tjerë në Godishnjak të Podujevës, ku u gjetën edhe katër pakpo me marijuanë me një peshë prej 4 kilogramësh e 454 gramësh.

NJOFTIMI I PËRBASHKËT E PROKURORISË THEMELORE NË PRISHTINË DHE POLICISË SË KOSOVËS:

Prokuroria Themelore Prishtinë dhe Policia e Kosovës dhe konfiskojnë mbi 76 kilogramë narkotikë dhe arrestojnë tre persona të dyshuar

Prokuroria Themelore në Prishtinë, në bashkëpunim me Policinë e Kosovës, konkretisht Drejtorinë për Hetimin e Trafikimit me Narkotikë Prishtinë, edhe të njësive tjera mbështetëse, pas zhvillimit të hetimeve disa mujore, si dhe përmes zbatimit të masave të veçanta hetimore, në lidhje me rastin e koduar “Bregdeti” me datën 21.01.2026 rreth orës 23:00 afër pikëkalimit kufitar në Merdare është ndaluar i dyshuari H. S. i cili ishte duke e drejtuar një kamion me targa vendore dhe gjatë kontrollit në kamion janë gjetur të fshehura 68 (gjashtëdhjetë e tetë) paketime të mbushura me substancë të dyshuar narkotike të llojit marihuanë me peshë të përgjithshme 76 kilogramë e 800 gramë (shtatëdhjetë e gjashtë kilogramë e 800 gramë) .

Ndërkaq është realizuar edhe urdhër kontrolli i shtëpisë së të dyshuarit, në asistencë të njësisë së NJRSH-së, dhe gjatë kontrollit janë gjetur:

• 1 (një) armë zjarri me 5 fishekë të kalibrit 9.9 mm,

• 2 (dy) vetura,

• 1 (një) kamion,

• 1 (një) telefon celular,

• para të gatshme 2950 (dy mijë e nëntëqind e pesëdhjetë) euro.

Në vazhdimësi të operacionit, me datën 22.01.2026, është realizuar bastisje edhe në dy lokacione, shtëpitë e dy të dyshuarve meshkuj kosovarë në fshatin Godishnjak – Podujevë dhe gjatë kontrollit të tyre janë gjetur:

• 4 paketime të mbushura me substancë të dyshuar narkotike të llojit marihuanë me peshë 4 kilogramë e 454 gramë (katër kilogramë e 454 gramë)

• 2 vetura

• 2 telefona celularë

• thasë najloni të zbrazur ngjyrë të zezë dhe ngjitës, që kanë shërbyer për paketimin narkotikëve.

Po ashtu është gjetur një armë zjarri me gaz e modelit Signasauser.

Me urdhër të prokurorit të shtetit ndaj tre të dyshuarve është lëshuar aktvendimi për ndalimin prej 48 orëve, ndërkaq prokurori i shtetit me kohë do të ndërmarr të gjitha veprimet e mëtutjeshme hetimore.

Prokurori i shtetit dhe Policia e Kosovës, mbeten të përkushtuara në ndërmarrjen e veprimeve të nevojshme me qëllim ndriçimit të veprave penale dhe vendosjen e kryerësve të tyre para organeve kompetente, me qëllim të sigurimit të një mjedisi sa më të sigurtë për qytetarët e Republikës së Kosovës. /CNA





Lajmet e fundit nga