web counter
LEXO PA REKLAMA!

SHKARKO APP

App Store
Google Play

E fundit!

x

Ukraina pa energji në mes të dimrit nga sulmet ruse/ Papa Leo XIV bën thirrje: Të lutemi për fundin e luftës

25 Janar 2026, 16:17, Kosova & Bota CNA

Ukraina pa energji në mes të dimrit nga sulmet ruse/ Papa Leo XIV

Në meshën e së dielën në Vatikan, Papa Leo XIV u bëri thirrje njerëzve të luten për paqe në Ukrainë, pasi vendi përballet me kushte serioze të të ftohtit pas sulmeve nga Rusia që ka goditur sektorin energjetik.

“Ukraina po goditet nga sulme të vazhdueshme, duke lënë popullata të tëra të ekspozuara ndaj të ftohtit të dimrit. Unë po ndjek situatën me trishtim, jam pranë atyre që vuajnë dhe lutem për ta. Vazhdueshmëria e armiqësive, me pasoja gjithnjë e më serioze për civilët, thellon ndarjen midis popujve dhe shtyn edhe më larg mundësinë e një paqeje të drejtë dhe të qëndrueshme. Ftoj të gjithë të intensifikojnë përpjekjet për t’i dhënë fund kësaj lufte”,-tha Papa.

Kievi, një qytet me rreth 3 milionë banorë, dominohet nga pallate, shumë prej të cilave nga epoka sovjetike, të cilat tani kanë mbetur pa energji elektrike për pjesën më të madhe të ditës.

Në këtë dimër të katërt lufte, energjia elektrike është një mall i racionuar.

Banorët e planifikojnë jetën e tyre sipas orareve të energjisë elektrike: kur të gatuajnë, të bëjnë dush, të karikojnë telefonat dhe të vënë në punë lavatriçet. Ushqimi zgjidhet me afat ruajtjeje, uji filtrohet në shishe dhe ruhet në kova, ndërsa bombulat e vogla të gazit përdoren për të ngrohur supën ose çajin kur ndërpritet energjia elektrike./CNA





Lajmet e fundit nga