web counter
LEXO PA REKLAMA!

SHKARKO APP

App Store
Google Play

NATO planifikon një 'zonë të automatizuar' mbrojtëse në kufirin me Rusinë

24 Janar 2026, 22:43, Kosova & Bota CNA

NATO planifikon një 'zonë të automatizuar'
NATO po përgatitet të forcojë mbrojtjen e saj në kufirin evropian me Rusinë gjatë dy viteve të ardhshme, kryesisht duke krijuar një "zonë të automatizuar" mbrojtjeje.

Kjo zonë do të ketë pajisje që nuk do të kërkojnë ushtarë, tha sot një oficer i lartë gjerman për shtypin e huaj. 

Plani i mbrojtjes në fjalë do të përfshijë një zonë mbrojtëse që armiku do të duhet ta kalojë për të përparuar, një lloj zone të nxehtë" tha gjenerali i brigadës Thomas Lovin, zëvendësshef i shtabit të Komandës Tokësore të NATO-s në Izmir, për gazetën e së dielës Welt am Sonntag.

Në mënyrë specifike, sensorët do të zbulojnë forcat armike dhe do të aktivizojnë sistemet mbrojtëse, siç janë dronë të armatosur, automjete luftarake pjesërisht autonome, robotë tokësorë pa pilot, si dhe mekanizma të automatizuar të mbrojtjes ajrore dhe raketore, shpjegoi gjenerali i brigadës.

Elementet e para tashmë po testohen në projekte pilot në Poloni dhe Rumani.

I gjithë mekanizmi i NATO-s do të vihet në funksion, nëse është e mundur, deri në fund të vitit 2027./CNA 





Lajmet e fundit nga