web counter
LEXO PA REKLAMA!

SHKARKO APP

App Store
Google Play

Brazili ndalon përdorimin e "X", reagon Elon Musk

31 Gusht 2024, 09:54, Kosova & Bota CNA
Brazili ndalon përdorimin e "X", reagon Elon Musk
Elon Musk

Rrjeti social X, dikur Twitter, është ndaluar në Brazil pasi nuk arriti të përmbushë një afat të caktuar nga një gjyqtar i Gjykatës së Lartë për të emëruar një përfaqësues të ri ligjor në vend.

Alexandre de Moraes urdhëroi "pezullimin e menjëhershëm dhe të plotë" të platformës së mediave sociale derisa ajo të zbatojë  të gjitha urdhrat e gjykatës dhe të paguajë gjobat ekzistuese.

Përplasja filloi në prill, me gjykatësin që urdhëroi pezullimin e dhjetëra llogarive X me argumentin e përhapjes së informacioneve të rreme.

Duke reaguar ndaj vendimit, pronari i "X", Elon Musk tha: "Fjala e lirë është themeli i demokracisë dhe një pseudo-gjyqtar në Brazil po e shkatërron atë për qëllime politike". Rrjeti i mediave sociale thuhet se përdoret nga të paktën një e 10-ta e 200 milionë banorëve të vendit.

Kreu i agjencisë braziliane të telekomunikacionit, i cili është ngarkuar me pezullimin e platformës, tha se ai "po vazhdon me pajtueshmërinë" për ta bërë këtë, sipas agjencisë së lajmeve Reuters.

Justice Moraes u ka dhënë kompanive si Apple dhe Google një afat pesë-ditor për të hequr "X" nga dyqanet e aplikacioneve të saj dhe për të bllokuar përdorimin e tij në sistemet iOS dhe Android.

Ai shtoi se njerëzit ose bizneset që përdorin mjete të tilla si VPN (rrjet privat virtual) për të hyrë në platformë mund të gjobiten me 6,700 euro./CNA 





Lajmet e fundit nga