web counter
LEXO PA REKLAMA!

SHKARKO APP

App Store
Google Play

Biden përdor sërish rezervat e naftës në SHBA, rënia e nivelit shkon në 40%

31 Gusht 2022, 22:45, Kosova & Bota CNA
Biden përdor sërish rezervat e naftës në SHBA, rënia e
Një kontraktor në Rezervën Strategjike të Naftës

Presidenti Joe Biden po përdor edhe një herë furnizimin rezervë të naftës së vendit për të luftuar çmimet e larta të karburantit, të shkaktuara nga lufta Rusi-Ukrainë.

Rezerva Strategjike e Naftës e vendit kishte 564.6 milionë fuçi naftë që nga e premtja. Kur të përfundojë shitja e fundit, numri do të bjerë në 384.6 milionë fuçi, një rënie prej rreth 40% që nga koha kur Biden mori detyrën në janar 2021.

Tërheqja e fundit nga rezervat do ta sjellë SHBA-në në nivelin më të ulët në pothuajse 40 vjet, pasi ky nivel nuk është regjistruar që nga viti 1984.

Çmimi mesatar i një gallon gazi në SHBA është rreth 4,18 dollarë për gallon, nga rreth 2,87 dollarë për gallon që ishte vitin e kaluar.

Departamenti i Energjisë ka deklaruar se çmimet në rritje dhe ndërprerjet nga sanksionet janë pikërisht situata për të cilën u krijua Rezerva Strategjike e Naftës.

Sipas njoftimit, 90 milionë fuçitë e mbetura do të lirohen nga gushti deri në tetor.

Kujtojmë se çmimet janë rritur për shkak të kufizimeve të furnizimit dhe ndalimit importeve të naftës ruse në SHBA, në vazhdën e pushtimit rus të Ukrainës./ B.A. – CNA.al





Lajmet e fundit nga