web counter
LEXO PA REKLAMA!

SHKARKO APP

App Store
Google Play

Albin Kurti dhe Aleksandër Vuçiç në një tryezë/ A do arrihet një marrëveshje

27 Shkurt 2023, 19:07, Kosova & Bota CNA

Albin Kurti dhe Aleksandër Vuçiç në një

Kryeministri i Kosovës, Albin Kurti dhe presidenti i Serbisë, Aleksandër Vuçiç janë ulur mbrëmjen e sotme në një tryezë të përbashkët.

Të pranishëm në takimin e tyre janë edhe shefi i BE-së, Josep Borrell dhe i dërguari i BE-së për dialogun Kosovë-Serbi, Mirosllav Lajçak, të cilët po ndërmjetësojnë dialogun.

Takimi po bëhet për të arritur një gjuhë të përbashkët, që do të normalizonin marrëdhëniet mes dy shteteve.

Palët pritet të arrijnë dakordësi për propozimin e BE-së, si një “marrëveshje bazë”, e cila do të shërbente si rrugë drejt një marrëveshjeje finale mes dy vendeve.

Mediat e Kosovës raportojnë se Kurti dhe Vuçiç kanë pranuar një plan, por nuk është prezantuar asnjëherë në publik.

Sipas mediave, në plan nuk përmendet në mënyrë specifike njohja, por parashikohen të drejta të barabarta për Kosovën dhe Serbinë, respektim i integritetit territorial, paprekshmëri e kufijve, njohje e simboleve shtetërore dhe një angazhim i veçantë për komunitetin serb në Kosovë.

Ende nuk dihet nëse kryeministri i Kosovës dhe presidenti i Serbisë do të arrijnë një gjuhë të përbashkët, por ndërkombëtarët e shohin këtë takim me optimizëm./ B.A. – CNA.al





Lajmet e fundit nga